ناماقوڵییەكان

بۆچوون / بیروڕا :: 15/10/2017

+ شتێ‌ بنووسە ئوستاز.
ـ بەقوربانی چاوت بم بە (چ) دڵێكەوە!! بە (چ) حەوسەڵەیەكەوە!! بە (چ) هیوایەكەوە!!
+ چار نی یە بەگم.. ژیان ئەبێ‌ بەردەوام بێ‌.. لەگەڵ هەموو زەغتەكانیشدا ئەبێ‌ هەر بەردەوام بێ‌.
ـ جاكوا ئێمە گوێمان داوەتە زەغت.. ئەو عالەمی خوایە رجای لێ‌ كردین وتی مەكەن كەچی هەر كردمان.
+ ئاخر كورد ئەڵێ‌ كردە پەشیمان بیت باشترە نەك نەكردە پەشیمان.
ـ بەخوا ئیمانم بەو پەندە نی یە و شەڵـڵا نەمان كردایە. ئەها چیمان بە خۆمان كرد؟!
+ دە بنووسە.. لەسەر ئەوە بنووسە.
ـ نا ئەمەوێ‌ لەسەر سیمبولەكان بنووسم.
+ نەكەی ئوستاز.. سیمبولەكان هیچیان موڵكی خۆمان نین.. مەسەلەن كە ئەڵێن پشكی شێر، لە یەكێ‌ وایە ئێرە بێشەكانی ئەفریقایە و پڕە لە شێر، كەچی یەك شێری باغەشمان نی یە.
ـ وایە راستە شێرمان نی یە. بەڵام نەشمان بێ‌ موهیم نی یە چونكە ئەوەندە تەبا و رێك و پێكین هیچ دوژمنێك ناتوانێ‌ ناماقوڵییەكمان دەرهەق بكات.
+ فیعلەن وایە كەس ناماقووڵیمان دەرهەق ناكات چونكە ئەزانی بۆ؟
ـ بۆ؟
+ ناماقووڵییەكان خۆمان ئەیانكەین.  

created by Avesta Group and powered by Microsoft Azure