تەگبیرمان بۆ ئەكەن

بۆچوون / بیروڕا :: 01/08/2017

+ حەمدوسەنا بۆ خوا، بەس نەبوو موبەڕیدە نەبووین!
ـ موبەڕیدە بۆ؟
+ چونكێكم قوڕبەسەرە بەم چلەی هاوینە لەو بەر قرچەی هەتاوە دایئەنێن و وەزیفەكەشی ئەوەیە هەواكە سار بكات.
ـ جا رۆڵە گیان ئێمەش بە نەوعێ‌ لە نەوعەكان موبەڕیدەین. بێ‌ مەعاش و بێ‌ كارەبا و ئاو دایانناوین و ئەڵێن ئەبێ‌ لە ریفراندۆمیشا دەنگ بدەن.
+ زەمی ریفراندۆم مەكە گەورەم، دوایی پێت ئەڵێن خائین.
ـ خائینی ناو فلیمی هندی؟
+ نەخێر خائینی كوردایەتی.. ئەو رۆژە گوێم لە مەسئولێك بوو ئەیگو هەرچی دەنگ بە ریفراندۆم نەدات خائینی كوڕی خائینە دەرهەق بە كوردایەتی.
ـ ئەوە تۆمەتێكی گەورەیە هەڤاڵ.. كەواتە خۆمان حازر بكەین بیدەین.
+ ئا.. ئەی چی!! بیدەین و لە كۆڵ خۆمانی بكەینەوە. قابیلە چیمان لەو ئەمریكییانە كەمترە؟
ـ ئاخر درۆم نەكردبێ‌ ئەوانە یەكی چوار پێنج دەفتەر مەعاشیان هەیە.
+ باوەڕ مەكە.. حكومەت چ مەجبورە مەعاش بدات بەو فڵقە كۆنانە؟!
ـ راوێژكارن بێ‌ ئەقڵ.. حكومەت تەگبیریان پێ‌ ئەكات.
+ های تڕحێو.. یەعنی ئەمە بە تەگبیر و راوێژی ئەمریكی یەوەیە ئەمە وەزعمانە؟! ئەی ئەگەر ئەوان تەگبیركەرمان نەبونایە چیمان بەسەر ئەهات؟!
ـ دوور لە رووی حازری سەگ بە گووەوە ئەیبردین.
+ ئەهـ قوڕی دنیا بە سەرم، یەعنی هێشتا نەیبردووین؟؟؟

created by Avesta Group and powered by Microsoft Azure