دیموکراسى کوردى

بۆچوون / بیروڕا :: 20/04/2016

دواڕۆژ

(1)
+ ئۆغربێ دیسان وا جانتات پێچاوەتەوە؟
- ئیشێکى زەرورم بۆ پەیدابووە، ئەبێ بچم بۆ پەتریپۆت.
+ پەتیریپۆت بۆ؟.
- ئەبێ بچم پەیوەندییەکانیان لەگەڵ پتەو بکەم.
+ کوڕى باوکم، پێش پەتریپۆت، پەیوەندییەکان لەگەڵ سلێمانى یا لەحیم بکەرەوە.
     ***** 
(2)
- پێشنیارم کردووە ئەگەر کۆمەڵى ئیسلامى بەباشى نەیەتە پێشەوە، بچین مەقەڕەکانى یەکگرتوو داخەین.
+ یەکگرتوو چ عیلاقەیەکى هەیە بەکۆمەڵى ئیسلامى یەوە. ئەمە چۆن پێشنیارێکە. خاڵۆ؟.
- منیش وەکو حکومەت. ئەوە نى یە حکومەت قەرارى داوە هەر کەسێک پێوەرى ئاو دانەنێت کارەباکەى لەبنا ببڕن!.
     ***** 
(3)
کوکوختى یەکەم: گوێم لە غەڵبەغەڵبێکى سەیرە لەو ماڵەى ئەوبەرەوە.
کوکوختى دووەم: هیچ نى یە بەقوربان. ئەوە مشکەکان تلى لى لى یانە.
کوکوختى یەکەم: مشکەکان تلى لى ئەکەن؟! بۆ ؟!
کوکوختى دووەم: لەبەر ئەوەى پشیلەکە لەماڵ نى یە.
     ***** 
(4)
یاساى چوارەمى نیوتن:
ئەو میلـلەتەى کە لە کوردستانەکەى خۆیدا یەکڕیز نەبێ، غەوسى گەیلانییش ناتوانێ لە بەغدا بیخاتە یەک ریزەوە.
     ***** 
(5)
جۆرەکانى دیموکراسى:
دیموکراسى ئەمریکى: خۆى بەبێ پەڕلەمان ناتوانێ بژى، بەڵام قبوڵێتى خلیج پەڕلەمانى نەبێ.
دیموکراسى بریتانى: خۆى پەڕلەمانى راستەقینەى هەیە، بەڵام هەوڵ ئەدات پەڕلەمانەکانى هەموو دنیا گاڵتەقینە بن.
دیموکراسى کوردى: پەڕلەمانەکەى  خۆى کردووە بە سینەما، کەچى بۆ پەڕلەمانەکەى بەغدا باوکەڕۆیەتى.

created by Avesta Group and powered by Microsoft Azure