ماتەمینی!...

بۆچوون / بیروڕا :: 01/06/2017

سەرچاوە: ئەلمەدا
وەرگێڕان: لوقمان محەمەد رەشید

ماتەمینی....
ماتەمیتی....
ماتەمینی....
دەستپێكردنەوەی ماتەمینی، راهاتوو و دووبارە بۆ پەنجا هەزارەمین جار (هێندەی ژمارەی رۆژەكانی ئەم رژێمەی ئێستامان).
ماتەمینیی بەردەوام بۆ چواردەیەمین ساڵی لەسەر یەك.
ماتەمینی بۆ قوربانیانی تەقینەوە تازەكەی كەڕادە.
ماتەمینی بۆ قوربانیانی تەقینەوەكەی گۆڕەپانی شوهەدائـ و خانەنشینە شەكەت و پرزە لێبَبڕاوەكانی نۆرەگرتووی دەستەی خانەنشینی و زەحمەتكێشە ماسی فرۆشەكان و ئەوانی تریش.
ماتەمینی بۆ ئەوانەی كە سبەی شەو یان سبەی بەیانی پێوەدەبن، بە تەقینەوەیەكی تازەی تیرۆریستییەوە.
ماتەمینی بۆ دەوڵەتە بێدەستەڵاتەكەمان كە توانای جێبەجێكردنی یەكەم و گرنگترین ئەركەكانی نییە، ئەویش ئاسیش-ە.
ماتەمینی بۆ حكومەتەكەمان كە كەسێكی تەنانەت ئەگەر لە پۆستی جێگری سەرۆكی دەوڵەتیشدا بێت، دوودڵ نابێت لە كاركردن بۆ تێكدانی، بۆ ئەوەی بەئاسانی بتوانێت بە لاواز لەقەڵەمی بدات.
ماتەمینی بۆ هەموومان، ئێمەی قوربانیی چاوەڕوان لە نۆرەدا بۆ ئەوەی مینڕێژكراوێكی داعشی یان بەعسی یان میلیشیایی یان ئیسلامیی سیاسی لەناوماندا بتەقێتەوە لەكاتێكدا بەربانگ دەكەینەوە یان پارشێو دەكەین یان دەچینە بازاڕ بۆ بەربانگی داهاتوو یان بۆ كڕینی خواردنی پاشێوی داهاتوو یاخود كەلوپەلی جەژن.   
ماتەمینی بۆ هەموو عێراقیەكان. ئەو شەهیدانەی رۆیشتن و ئەو شەهیدانەی هێشتا ماون. ماتەمینی بۆ عێراق... لەو پەڕیەوە تا ئەو پەڕی.
ماتەمینی....
ماتەمیتی....
ماتەمینی....

created by Avesta Group and powered by Microsoft Azure