وەڵامی پرسیار بە پرسیار

بۆچوون / بیروڕا :: 12/03/2017

 

عەبدە نەوعاونەوعەكانی خواگیان هەر لە درێژیی باڵا و ئەستووریی هەڵوێستی سیاسیدا  لە یەكتر جیاواز نین، بەڵكو لە شێوازی جوابدانەوەی پرسیارە ئاسانەكانی رۆژانەشدا عەرز و عاسمانیان فەرقە. هەرە عەجیبەكەشیان ئەو نەوعە بەشەرەیە كە كاتێك تۆ سوئالێكی لێ‌ ئەكەی، ئەو بەپرسیار جوابت ئەداتەوە. مەسەلەن بۆ نموونە:-
+ سیحەتت چۆنە؟
ـ لە باش ئەچم؟
+ دەنگوباسی دنیا؟
ـ لای تۆ چی هەیە؟
+ لە كوێ‌ ی؟
ـ قابیلە لە كوێ‌ بم؟
+ كەی بتبینم؟
ـ تۆ كەییت پێ‌ باشە؟
+ پاشەكەوتەكەیان دانەوە؟
ـ تەصەور ئەكەی ئەوەندە پیاو بن؟
+ كۆبوونەوەكە نەكرا؟
ـ جا ئەوا كۆشبوونەوە، چییان پێ‌ ئەكرێ‌؟
+ پەڕلەمانەكەتان هەر داخراوە؟
ـ یەعنی ئاگات لێ‌ نی یە؟

+ یەكگرتوو سەرۆكایەتی پارلەمان وەرئەگرێ‌؟
ـ من چووزانم، خۆ ئەردۆغان نیم؟
+ هەڤاڵ وانێكت بینی؟
ـ جا سكرتێرەكەی جوابی بەشەر ئەداتەوە؟
+ مەوزوعی نەوتەكەی كەركوك خەتای كێ‌ یە؟
ـ حەز ئەكەی خەتای كێ‌ بێ‌؟

created by Avesta Group and powered by Microsoft Azure