بسمارك و بەچكەكانی

بۆچوون / بیروڕا :: 19/12/2016

د. شێركۆ عەبدوڵـڵا
دەوڵەتمەداری (لەسەر وەزنی سیاسەتمەداری) پڕوسیا قسەیەكی عەنتیكەی هەیە دەڵێت رەحمی تایبەتی خودا بۆ سێ‌ لایەنە: شێت و بێ‌ ئەقڵ و ئەمریكا. ئێمە هەرچەندە دەوڵەتمان نی یە تا دەوڵەتمەدارمان هەبێت، بەڵام بەشی ئەوە بەچكە بسماركمان هەیە بڵێن:
+ حەساسییەتی تایبەتی پارتی بەرامبەر سێ‌ جەماعەتە: مالیكی و گۆڕان و بەرخانەقا.
+ موشكیلەی تەربیە سێ‌ مەسەلەی تایبەتن: مەعاش و مەنهەج و بینا.
+ ئیسلامیەكان سێ‌ ئامانجی تایبەتیان هەیە: سەرجادە و مزگەوت و دەسەڵات.
+ ئەم قەیرانە قۆڕە خەتای تایبەتی سێ‌ لایەنی تیایە: پارتی و نەوت و میلـلەت.
+ ئێمە لە سێ‌ چالاكیی تایبەتدا بێ‌ وێنەین: رێپێوان و بایكۆت و خۆپیشاندان.
+ خەڵكی سلێمانی سێ‌ شتی تایبەتیان نوقستانە: كەسابەت و سوتەمەنی و كارەبا.
+ ئەو خانمە تەنیا سێ‌ شوێنی تایبەتی تەجمیل كردووە: ورگ و روومەت و لچ و لێو.
+ سێ‌ وەرزی تایبەتی ئەم مەملەكەتە ناخۆشن: زستان و پاییز و هاوین.
+ یەكێتی سێ‌ شتی تایبەت كۆڵەواریان كردووە: تەكەتول و تەكەتول و تەكەتول.

created by Avesta Group and powered by Microsoft Azure

بەپەلە