خەیمەت ئەداتێ‌

بۆچوون / بیروڕا :: 26/10/2016

 

+ وەرە رۆڵە سوعبەتم لەگەڵدا كردی.. مەتۆرێ‌ ئەڵێم.. وەرە بەخوا نەقڵت ناكەم. چۆن دڵم دێ‌ نەقڵت بكەم؟. ئەوە تاقیمكردیتەوە.. دەوەرە ئیتر.. ئەڵێم تاقیمكردیتەوە.
-جا باشە تاقیكردنەوە هەر بەخەبەری ناخۆش ئەبێ‌..؟!
+ ئەی بەچی تاقیت بكەمەوە كوڕم؟
-بە موكافەئە.. بە پارە..
+ ئەرێ‌ ئێوە بۆ واتان لێهاتووە ئەی هاوار..؟! هەموو عەینەن بەچكەچۆلەكە دەمتان كردووەتەوە و زیقەتان دێ‌.
-زۆر خۆشە قوربان.. تۆ نازانی.. بەختەوەرترین مەخلوق چۆلەكەیە.. رۆژی كرمێك و دوو سێ‌ مێشوولە ئەخوات و ئینجا ئەچێتە سەر تەلی عەمودێك بە ئارەزووی خۆی ریقنە ئەكات بەو عالەمەدا.
+ كام عالەمەیان فەیلەقووس!!.
-تەبعەن هەر عالەمی سێ‌.. عالەمەكانی تر بۆخۆیان قەپاتن.
+ ئاخر ئەزانی بۆچی قەپاتن؟ ئەوان وڵاتەكەیان نەداوەتە دەست هەرزەكار و مناڵەورتكە.
-گەورەم ئەو قسەیە لە شوێنانی تر مەكە خراپە.. ئێستا باو باوی گەنج و هەرزەكارە.. فەرموو ئێستا بڕۆ تەماشابكە ئەو كوردە هەموو مەشغوڵی چی یە.
+ فەیسبوك.
-رەحمەت لە دایك و باوكت.. فەیسبوك خۆی عومری چەندە وا ئەو خەڵكە بەڕێوەئەبات؟
+ دە دوانزە ساڵە.
-چاوت لێ‌ یە!.. كەواتە تەعلیق لە مناڵ و پاتاڵ مەدە..موشكیلەكەی ئێمە شتی ترە.. زۆر زۆر ئاڵۆزە.. مەگەر ئەمریكا بۆمان حەل بكات.
+ بە تەمای ئەمریكا نەبیت ئاممان.. ئەمریكا ئەوەڵجار ماڵت كاول ئەكات و دواییش دێت خەیمەت ئەداتێ‌.

created by Avesta Group and powered by Microsoft Azure