ئەسحابولكەهف

بۆچوون / بیروڕا :: 21/08/2016

وەزعەكە ئەوەندە بۆگەن و قۆڕە، پیاو هیچی بۆ نەماوەتەوە ئەوە نەبێ‌ دوعا بكات سێصەد چوارصەد ساڵێك خەوی لێ‌ بكەوێ‌، بەشكو ئەمە خوایە كە خەبەری بووەوە، تەماشا بكات واقیعی كوردە كڵۆڵەكە بە دیوی شێرا كەوتووە.
بەڵام باوەجوو ئەزموونی تەئریخ و تەجرەبەی سیاسەت بەشەق تێمان ئەگەیەنێ‌ كە سێصەد قەڕنی تریش بێینەوە، هەر هەمان تاس و حەمامە و عەیب نەبێ‌ كە هەڵساین ئەبینین:
1-مەلا كرێكار لە زیندانی مۆناكۆوە بەیعەت بۆ عەبدولوەهابی كوڕی حەنزەڵەی كوڕی سەعدی كوڕی عەمری كوڕی حەمزەی بن لادن تازە ئەكاتەوە.
2-كوردسات ئەڵقەی ژمارە (197865430)ی بەشی حەوتەمی موسەلسەلە كۆرییەكە پێشكەشی بینەران ئەكات.
3-دائیرەی ئامار ئەڵێ‌ لە مانگی رابردوودا هەشتا و چوار كەس لە ئاوی حەوزە وشكەكەدا خنكاون كە چواردەیان مناڵی شیرەخۆرە بوون!!
4-فوئاد حسێن بە پرۆژەیەكی شەفەیی تازەوە خۆی ئەكا بە گردەگەدا.
5-لە كۆنگرەی حزبی سۆشیالیستدا عومەری كوڕی محەمەدی كوڕی عەبدوڵـڵای كوڕی ئیسماعیلی كوڕی عەبدوڵـڵای حاجی مەحمود بە تێكڕای دەنگ دەرئەچێ‌.
6-پارتی تەئكید ئەكاتەوە كە پۆستی وەزارەتی ناوخۆ لە سەر بێشكە لەخۆی مارەكراوە.
7-لە مێزگردێكدا نوێنەری كۆمەڵی ئیسلامی هێرش ئەكاتە سەر شیعری ئەی رەقیب بەڵام ئەڵێ‌ لەحنەكەی بێ‌ عەیبە.
8-لە سێصەد و هەشتا و چوارەمین ساڵیادی داخستنی پاڕلەمانی كوردستاندا سەرۆكایەتی هەرێم خەڵاتی رێزلێنان دەبەخشێت بە سەیتەرەكەی پردێ‌.
9-وەزارەتی سامانە سروشتی یەكان لە بەیاننامەیەكدا پرسە و سەرەخۆشی بۆ خەزێنەی سلێمانی ئەخاتە عەلاگەیەكی دەبڵەوە.
10-سەرچاوەیەكی ئاگادار لە یەكێتی نیشتمانی كوردستان دەڵێت: وەعد بێ‌ هاوینی داهاتوو كۆنگرە ببەستین بەشەرتێك رەشەبا نەبێ‌.

created by Avesta Group and powered by Microsoft Azure