هۆ رێوی رێوی

بۆچوون / بیروڕا :: 17/08/2016

+ مەتەڵێكت لێ‌ دابهێنم گەورەم؟
-بەم سبایی ساڵحانە مەتەڵ؟!.. فەرموو.
+ ئەوە چی یە هەتا بیخۆی زۆر ئەبێ‌؟
-هەتا بیخۆی زۆر ئەبێ‌؟!
+  ئا.. لەباتی ئەوەی كەم بكات زۆر ئەبێ‌.
-ئێ‌ مەعلومە.. خەفەتی دەستی حكومەتی هەرێمە.
+ بەگم تۆ بۆ ئەوەندە لە حكومەتت هەڵپێچاوە؟!. قوڕبەسەرە چی كردووە!! هیچی نەكردووە.
-ئینجا چۆن ئەبێ‌ حكومەت هیچ نەكات. حكومەت ئەبێ‌ گونی گوندار دەربێنێ‌.
+ ئاخر دڵی نایە ئوستاز.. گوندارەكان هەمووی خزمی دەرەجە ئولا و دۆستی قەدیمی و شەریكی هینن.
-شەریكی شەیتان؟
+ نەخێر، رێوی بێ‌ ئیمان.
-هۆو..
+ هێواش.. هێواش گەورەم. لەدەرەوە گوێ یان لێ‌ بێ ئەڵێن ئەقڵیان سووك بووە.
-قەینا.. بەردەوامبە كوڕم، ئەم رێوی رێوی یە زۆر خۆشە. دەی.. هۆ رێوی رێوی 
+ ئەڕۆم بەخوا درەنگە.. دوو ئیشی گەورەم بەسەردا كەوتووە.
-دوو ئیش بەیەكەوە؟
+ ئا.
-نەكەی كوڕم، ئینسان نابێ‌ دوو ئیش لە یەك وەختا بكات، ئەگینا دوایی سەقەتیان ئەفەرموێ‌.
+ ئیحترامەن بۆ قسەكەی جەنابت.. بەڵام هیچ وانی یە. فەرموو ئەوە حكومەت سێ‌ چوار ئیشی دەستداوەتێ‌ و ناجیحیشە.
-سێ‌ چوار ئیش بەیەكەوە؟! كامە و كامەن؟
+ ئەوەتا نەوت ئەفرۆشێ‌ و 
-ئێ‌!
+ چاكسازییش ئەكا و
-ئێ‌!
+ پەڕلەمانیش دەئەخا و 
-ئێ‌!
+ قوڕیش ئەكا بەسەر میلـلەتا. 
 

created by Avesta Group and powered by Microsoft Azure