مەسئولی كۆن.. موشكیلەی تازە

بۆچوون / بیروڕا :: 26/07/2016


-بەڕاستی نیعمەتە قوربان. بەڕاستی مایەی فەخر و شانازی یە. ئەی هەزار و چوارسەد و سی و شەش هەزار رەحمەت لە خۆی و باب و باپیری.. ئاگات لێ‌ یە بەگم چی لەو بازاڕە كردووە؟
     +  وەزارەتی دارایی ئەفەرمووی فیڕنەگولە؟
-نەخێر گەورەم، ئادەم سمیست عەرز ئەكەم.
+ ئادەم سمیس؟!
-بەڵێ‌ ئادەم سمیس باوكی بازاڕی ئازاد و سیاسەتی نەوزاد.
+ سیاسەتی نەوزاد چی یە؟ رۆڵە!.
-سیاسەتی نەوزاد یەعنی وەك چۆن لە بازاڕی سەرمایەداریدا بۆت هەیە بەدڵی خۆت تڕوتفاق هەڵبژێریت، لە سیاسەتی نەوزادیشا عەینی شت ئەتوانی بە پێ‌ ی مەسڵەحەتی خۆت چ نەوعە حیزبایەتییەكت ئەوێ‌، عەیب نەبێ‌، دەستی بخەیتەسەر.
+ مەسەلەن وەكو چی؟
-وەكو زۆر شت بەگم. ئیسلامیی بێ‌ وەیت ئەوێ‌ ئەوە ئیخوانچی، جیهادییت ئەوێ‌ ئەوە داعش و جەماعەت.
+ ئێ‌؟
-ئەندامی بێ‌ ئیلتیزامت ئەوێ‌ ئەوە..
+ بەس بەس تەواوی نەكەی هەتیو. هەر ئەم گۆشە تەنگەبەرەمان ماوە ئەوەیش بەداخستن مەیە.
-كێ‌ دایئەخا؟
+ مەسئول.
-بەخوا بەینی خۆمان بێ‌ گەورەم ئەم مەسئولانەش كۆنن.. زۆر زۆر كۆنن.
+ راست ئەكەی خۆیان كۆنن بەڵام..
-بەڵام چی؟
+ بەڵام هەر رۆژەی موشكیلەیەكی تازەمان بۆ دروست ئەكەن.

created by Avesta Group and powered by Microsoft Azure