ریفراندۆمیش؟

بۆچوون / بیروڕا :: 19/07/2016

    + ئیشەڵـڵا ئیشەڵـڵا..
-ئیشەڵـڵا چی؟
    + ئیشەڵـڵا دوای توركیا ئیتر نۆرەی ئێمەیە.
-بڕۆ دەرەوە، بڕۆ دەرەوە... وتم ئاخۆ ئەڵێ‌ چی!!. هەر كودەتامان نوقسان بوو.. دە وەرە دەی.
+ بۆ توڕە ئەبی بەگم؟ كەی من باسی ئینقیلابم كردووە؟!.
-ئەی ئەوە نی یە ئەڵێ‌ ی ئیشەڵـڵا دوای توركیا نۆرەی ئێمەیە؟
+ ئینجا قوربان گیان خۆ توركیا هەر ئینقیلابی نی یە. هەزار شتی تری هەیە.
-ئەوە ئەزانی پێم ناخۆشە ئیتر قسەكەت گۆڕی، زۆڵ. ئەگینا مەخسەدت ئینقیلاب بوو. سەرت لێ‌ ی ئەخورێ‌.
+ جا توو سەری خۆت و عەزیزت ئەوە ناو ئەنێی ئینقیلاب!! پیف لەو ئینقیلابە، هەمووی بخەیتە سەر یەك چلوپێنج دەققە درێژەی نەكێشا..
-ئاخر موهیمیەكەی توركیا لەوایە رۆڵە.. ئینقیلابەكەی چل دەققەیە كەچی موسەلسەلە ئەكات بە چوار ساڵ تەواو نابێ‌.
+ لە شتێكی تریشا موهیمە گەورەم.. پارەكەیشی موهیمە.
-راست ئەكەی ئافەرم.. خەریك بوو ئەو ئینقیلابە كلكی كەری تیا بپچڕێ‌ كەچی لیرەی توركی نەیوت ئاخ.
+ بەڵام لای ئێمە كابرا خوتبەیەك بدات فەورەن دینار هاڕە ئەكاتە خوارێ‌.
-چاوی دینار دەرئەهات كوڕم، موهیم دۆلارە. هەر دۆلار سەلامەت بێ‌ باقی ئەوانی تر فشەن.
+باقی ئەوانی تر؟
-ئا.
+ هەرهەموویان؟
-ئم.
+ ریفراندۆمیش؟
-قوزەڵقورت.

created by Avesta Group and powered by Microsoft Azure