مریشك و هێلكەكەی

بۆچوون / بیروڕا :: 28/06/2016

راستت ئەوێ‌ هەموو مەسەلەیەك و رووداوێك و دیاردەیەك پرسیار دروست ئەكات. بەڵام ئایا پرسیارەكە چی یە؟ ئەوە پەیوەندیی هەیە بە برادەرەكە و ئامانجە سیاسی و پیشەیی و عەشایەرییەكانی خۆیەوە. مەسەلەن كە مریشك هێلكە ئەكات، پرسیارەكان تەقریبەن بەم جۆرە دەبن:
+ خوێندكاری كۆلیژی زانست: ئەم مریشكە چۆن هێلكەكەی كرد؟
+ دەرچووی فەلسەفە: موهیم هێلكەكە نی یە، موهیم ئەوەیە بزانین بۆچی كردی؟
+ پارێزەر: قوربان حەز ئەكەی بۆ كێ‌ ی كردبێت؟
+ دەرچووی شەریعە: ئیبن تەیمی یە رەئی چی یە لەسەری؟
+ دەستەی نەزاهە: ئەو مریشكە گەندەڵە بۆچی تا ئێستا لە تاریكی یا كردوویەتی؟
+ وەزیری كشتوكاڵی عێراق: ئایا ئەو هێلكەیە هێلكەی شیمالە؟ چونكە ئەگەر هێلكەی شیمال بێ‌ سەدی سەد پیسە.
+ دكتۆری ژن و مناڵبوون: بپرسن بزانن لەكوێ‌ كردوێتی؟ چونكە ئەگەر لە خەستەخانەی ئەهلی نەیكردبێ‌ بەحەیاتی بۆی نابێ‌ بە جوچك.
+ وەزارەتی سامانە سروشتی یەكان: باشە ئەو مریشكە بۆچی گرێبەستێكی چەندین ساڵە لەگەڵ ئەردۆغانا ئیمزا ناكات؟ ها؟!.
+ ئیعلامی: بەرەئی ئێوە مەوزوعەكە بكەم بە هەواڵ خێری زیاترە، یان ریپۆرتاج باشترە؟
+ سیاسی: چۆن وابكەین لەمەولا هەر بۆخۆمانی بكات؟

created by Avesta Group and powered by Microsoft Azure