قەرارەكانی حكومەت

بۆچوون / بیروڕا :: 14/06/2016

ئەگەر لە مەجلیسێكدا دانیشتیت و قسە لەسەر قەرارەكانی حكومەت كرا، جەناب عالی دەتوانی لە تەحلیلەكانەوە پیشەی كولـلی ئەندامێكی هەمیشەیی و ئیحتیاتی ئەو مەجلیسە هەڵبهێنیت. مەسەلەن بۆ نموونە:

* ئەگەر كابرا وتی قەرارەكانی حكومەت وەك تاوە تەرزەی مانگی نیسان وان زەرەریان زۆرترە لە قازانجیان، ئەوە بەدڵنیاییەوە كابرا فەلاحە و هێشتا پارەی گەنمی 2014 ی وەرنەگرتووە.

* بەڵام ئەگەر فەرمووی قەراری حكومەت عەینەن پرسیاری بەلەكۆری وایە دوای سەعات نۆ كەس بە فلسێك نایكڕێ‌، لێت مەعلوم بێ‌ كاكم مودیر قاعەیەكە عەلا بابەڵـڵا.

* خۆ ئەگەر وتی قەراری حكومەت بە عەمری ئەو خوایە هەموو جارێك یان سەر ئەكات یان كورت ئەهێنێ‌، ئەوە بزانە خاڵۆ تۆپچی یەكی عەریقە.

* ئەگەر وتی بە قوربانی حكومەت بم بۆخۆی و قەراری، وەڵـڵاهی ئەڵێ‌ ی حەبی ئێكسپایەری پاكستانی یە ئەوە هیچ ئەملاو ئەولای ناوێ‌، یارۆ دەرمانسازە و لە داخی مافیاكانی دەرمان قەراری داوە سەری خۆی هەڵگرێ‌.

created by Avesta Group and powered by Microsoft Azure