وەی ئامینێم شووشە

بۆچوون / بیروڕا :: پێش 2 هەفتە

 

ئامینێ و ئامین وەی ئامینێم شووشە
دنیا ئاو بیبات كاكم هەر بەشووشە
كردار نابینین لە ھیچ مستەوایەك
بەتەڵی ساحەكە ئاغای هاش و ھووشە
ڕۆژێ تێ كەوتووین ڕەحمەت لە كفن دز
بۆتە ماندێلا ئەو كاكە جۆرج بووشە
عالەمی ئەمڕۆ ژێردەستەی ترەمپە
حوكمی ترەمپیش حوكمی قەرەقووشە
جامانە و شەپقە هیچیان عوسمانی نین
لەلای ئەردۆغان مەرغوب بەس تەڕبووشە
كەئابەو مەراق ،خەمی دنیای خوێڕی
عیلاجیان گەر هەبێ گۆرانیی داریوشە
دادگا و چاودێری قەت هیچیان پێ ناكرێ
گەورە تا بچووك فێری حەپەلووشە
ویژدان و ئەخلاق ،مەردی و كوردایەتی
سەنگیان زۆر سووكە، بەقەد سەنگی پووشە
زەوقی گۆرانییش بەجارێ سەقەت بوو
ئەحلام لەجێگەی مەهەستی و گوگووشە
خەنسا و ھاجەر و مەلیحە كوردی نین
كچتان ناوبنێن خەرمان و پڕووشە

created by Avesta Group and powered by Microsoft Azure