ئێمەی ئۆپۆزسیۆن

بۆچوون / بیروڕا :: 28/12/2019

نووسینی ئەكبەری گەنجی


خۆرهەڵاتی ناوەڕاست خاوەنی كۆمەڵێك حكومەتی دیكتاتۆری گەندەڵ  و دز پەروەرە كە لە كۆنەوە هەروایە. خەڵكی ئەم ولاتانە دەرەقەتی دەوڵەتە زاڵمەكانیان نایەن  كە بوونەتە سەرچاوەی هەموو گیروگرفتەكانی خەڵكی ناوچەكە، بەڵام بەبێ یارمەتی دەرەكی هیچ چارەسەرێك ناگاتە ئەنجام. لەو روانگەیەوە كە دەڵێت دوژمنی دوژمنم دۆستمە ئێمە ئامادەین بۆ رووبەرووبوونەوەی ئەم حكومەتە خراپانە یارمەتی لە هەموو كەسێك داوا بكەین.
جۆرج بووش و موحتفیزكارە تازەكانی ئەمریكا لە پێناوی سیستمی نوێی جیهانیدا، پاش ئەفغانستان چوون عێراقیان بۆمب باران و ئاوەدان كردەوە. كارێكی وایان كرد كە ئیتر ببڕای ببڕای ئەم دوو وڵاتە خراپە نەتوانن ببە دوو وڵاتی یەك پارچەی یەكگرتوو. سودیان لە نەیارەكانی سەدام حسێن وەرگرت بۆ ئامانجی خۆیان ئەوانیش پارەیەكی باشیان خستە گیرفانیانەوە. حامید كارەزایش چەند رۆژێك لەمەوپێش لە لێدوانێكدا رایگەیاند هەم لە ماوەی سەرۆكایەتی مندا و هەم لە سەرۆكایەتی دوای منیش خاوەنی ئەوەڵ و ئاخیری بڕیاری هەڵبژاردنی سەرۆكی ئەفغانستان دەوڵەتی ئەمریكا بووە ئێستاش حكومەتەكەی ترامپ هاوكات لەگەڵ دیاریكردنی سەرۆك كۆماری تازەی ئەفغانستاندا، سەرگەری گفتووگۆیە لەگەڵ  تاڵیباندا بۆ ئاشتەوای لە ئەفغانستاندا. تاڵیبان رۆژێك لە رۆژان دوژمنی ئەمریكا بوو، ئێستا خەریكە دەبێت بە دۆستی
بارەك ئۆماش بەهەمان شێوە لە لیبیادا خێری زۆری دەستكەوت لە نەیارەكانی موعەمەر قەزافی لە سایەی ئەوانەوە توانی دەوڵەت و یەك پارچەیی لە لیبیا بسەنێت. ئۆپۆزسیۆنەلیبییەكانیش لەم پرۆژەیەدا نانێكیان دەستكەوت. ئێمەی ئۆپۆزسیۆنی كۆماری ئیسلامیش ئەوكاتە سەدان وتارمان نووسی دەربارەی دەستوەردانی مرۆڤدۆستی ئەمریكا لە لیبیا. تەنانەت بە نووسراویش پێشتر تكامان لە ئۆباماكرد كە زۆر خێرا هێرشی سەربازی بكاتە سەر لیبیا و ئەو دەستوەردانە مرۆڤدۆستانەیەی نمایش بمایش بكات.
ئەمریكا و هاوپەیمانەكانی لە روانگەی هەمان ماف و هۆكارەوە سووریا و یەمەنیشیان بە هەمان دەرد برد بڕوانە حاڵیس برسییەكان و نەخۆشە بێ دەرمانەكانی یەمەن ئەوان بەرهەمی تاقیكردنەوەی دواین كەرەستەی جەنگی ئەمریكا و ئەورووپان كە لە لایەن سعوودیە و هاوپەیمانەكانیەوە لەو وڵاتە داماوەدا تاقیدەكرێنەوە. دۆناڵد ترامپیش جارێك دایكی هەموو بۆمبەكانی لە ئەفغانستاندا تاقیكردەوە وەك خۆئامادەكردنێك بەرامبەر ئێران. سووریاش هەرگیر نابێتەوە بە سووریاكەی پێش ساڵی 2011. ئێستا هەر پارچەیەكی ئەم ولاتە لەلایەن ئیسرائیل و ئەمریكا و توركیا و كێ و كێوە داگیركراوە و بەڕێوە دەبرێت سووریاش ئەگەر وەكو عێراق بكرێت بە سێ بەشی شیعە و سوننە و كوردەوە شتێكی زۆر باش دەبێت. دروشمەكەی ئێستا ئەمەیە: گەورە ناشرینە و بچووك جوانە. ئێمە دوژمنی كۆماری ئیسلامین و ئومێدێكی گەورەمان لەسەر خەندەمێنتەڵیستە مەسیحییەكانی رۆژی قیامەتی دەوڵەتی ترامپ هەڵچنیوە. بیروباوەڕی كەسانی وەك مایك پێنس و مایك یۆمپیۆ رێك لەگەڵ ئاراستەی ئامانجەكانی ئێمەدا دێنەوە كە هیچ بیروباوەڕێكمان بە ئاین نییە ئێمە دوژمنی خەندەمێنتەڵیستی ئیسلامین و ئاشقی كار و بیركردنەوەی خەندەمنێنتەڵیستە موحافیزكارە تازەكانی شەڕخوای مەسیحین. 
بنیامین ناتانیاهۆ و محمد بن سەلمان كە دوژمنی خوێنەخۆری ئێرانن. بۆ رووبەرووبوونەوەی ئێران پێویستیان بە هیچ ئامۆژگارییەك نییە. لەم ناوەدا تەنیا دۆناڵد ترامپ ئاماجە نەبوو داخوازیی هەموویان جێبەجێ بكات و بكەوێتە مۆمب بارانكردنی ئێران، ئەو ترامپەی كە ئایدۆلۆژییەكەی تەنیا و تەنیا خۆدەرخستن و پاراستنی دەسەڵاتە. ترامب ماوەی 3 ساڵی رەبەقە خۆی گرتووە لە بۆمب بارانكردنی ئێران بەڵام ئەوپەڕی گوشار بەكاردەهێنێت بۆ گەیشتن بە ئامانجەكانی. ئێمەومانان هاوڕای ئەو نین و بۆچوونەكانیان جیاوازن. پێویستە سەرباری ئابڵۆقە پشت شكێنەكان هێرشی سەربازیشی بخاتە سەر. ئێمەی ئۆپۆزسیۆن بووینەتە بەشێكلە دەزگا ئیعلامییە سێ سوچەكەی ئەمریكا و ئیسرائیل و تەنانەت هەندێكمان لە بەشی پەیوەندییەكانی دام و دەزگای  جەنگ بەفەرمی دامەزراوین بەشێكی دیكەشمان بە نافەری واتە ئێمە كارمەندی دەزگایەكین دژی ئێران كە لە ئەمریكا و بریتانیا و ئیسرائیل و سعوودییە سەردان ملیۆن دۆلاریان بۆ تەرخانكردوون. كۆماری ئیسلامی ئێران ناحەزی تریشی هەیە. ناحەزێك كە لە جیهانی خەوندا دژی و جەخت لەسەر خەباتی خەڵكی ئێران لەناوخۆی وڵاتدا دەكاتەوە. جەخت دەكەنەوە لەسەر هێزەكانی كۆمەڵگای مەدەنی لەناو وڵاتدا، لەسەر تێكۆشەرانی ناوخۆی وڵات. گوایە بە راستی ئەمانە دژی كۆماری ئیسلامین و دیموكراسییان دەوێت. بەڵام ئەمانە ئاو لە دنكدا دەگوشن چونكە دەبێت یارمەتییەكانی ئەمریكا و ئیسرائیل و بریتانیا و سعوودییە نەگاتە ئەنجام. ئەمانە بە خەیاڵی خۆیان سەربەخۆی خوازن پێیان وایە پێیان وایە سەركوتكەرای ناوخۆ سەرچاوەی هەموو كێشەكانە، بەڵام دەیانەوێت خەبات و تێكۆشان سەربەخۆبێت و دەوڵەتانی دەرەكی دەست تێوەرنەدەن. ئێمەی كارمەندی بەشی راگەیاندن و پەیوەندییەكانی (ئەوپەڕی گوشار) نەك هەر پشتیوانیمان كردووە لە سزا و ئابڵوقەكانی بەڵكو هاندەری توندوتیژیش بووین و دەبین چالاكییەكانی چەند مانگی رابردوومان بەڵگەی ئەم قسەیەمە. نامە بۆ ئەمریكا دەنووسین كە ئێران بخاتە ناو بەشی حەوتەمی بڵاوكراوەی نەتەوە یەكگرتووەكانەوە و بیكاتە لیبیایەكی دیكە هۆكارەكەشی ئەوەیە كە ئێمە پارە لە وەزارەتی دەرەوەی ئەمریكا وەردەگرین كە وەزیرەكەی موحافزكارێكی تازەی ئینجیلییە هیچ رێگایەمی دیكە بۆ لەناوبردنی كۆماری ئیسلامی شكنابەین. پێمان دەڵێن ئەم رەفتارەتان خودی ئێرانیش لەناودەچێت. ئینجا قەیچێكا لەناوچوونی یەكێتی سۆڤیەت چی زیانێكی هەبوو پاراستنی یەكپارچەیی خاكی ئێران ئایدیایەكی ناسیۆنالیستی و كۆنە. ئۆپۆزسیۆنی ئێران ئێستا پێكهاتووە لەو ناسیۆنالیستانەی كە بە ئەقڵی سەدەی نۆزدە بیردەكەنەوە لەو جودایخوازە هاوچەرخانەش كە بەلایانەوە گرنگ نییە ئێران لەت و پەت و خاپوور ببێت.

created by Avesta Group and powered by Microsoft Azure