هه‌ی یێزن یێزن یێزن

بۆچوون / بیروڕا :: پێش 3 هەفتە

هه‌ی یێزن یێزن یێزن
باندێكی كرمه‌ ڕێزن
ته‌كتیك و ستراتیجیان
ڕێك هینی كه‌ری دێزن
ڕۆژ خه‌ریكی جرت و فرت
شه‌وان له‌ده‌وری مێزن
بۆ مارمارۆكه‌ش نابن
ئاردێكی زۆر بێ پێزن
بۆ مه‌سڵه‌حه‌تی خۆیان
كه‌ری ژێر باره‌گوێزن
هه‌ندێك ئه‌فه‌ندی و میرزان
هه‌ندێكیان ئامر هێزن
هه‌ر به‌قودره‌تی قادر
دكتۆرای خاوه‌ن تێزن
مێشكی ئینسان كاس ئه‌كه‌ن
وه‌ك ده‌نگی په‌ره‌مێزن
له‌ڕۆژی لێقه‌ومانا
هه‌موو دووره‌ په‌رێزن
تڵپی ته‌ڕیان تیا نییه‌
وامه‌زانه‌ كارێزن

created by Avesta Group and powered by Microsoft Azure