داعش و كۆتاییە چاوەڕوانكراوەكە

بۆچوون / بیروڕا :: پێش 1 هەفتە

نووسینی : دكتۆر جبریل ئەلعوبێدی 
ئامادەكردن و وەرگێڕانی دواڕۆژ 
كوژرانی ئەبو بەكری بەغدادی و ئەبو ئەلحەسەنی موهاجیر ئێستا تێرۆرستەكانی داعش وایان لێ هاتووە بەدوای حەشارگە و پەنادا بگەڕێن . ئەو ڕێكخراوەی كە بەغدادی بەتەما بوو بیكات بە دەوڵەتێك خاوەنی سنوور و دراوی تایبەتی خۆی و وەزیر و گزیر بێت بووەتە چەند كۆمەڵەیەكی هەڵاتووی ڕاوەدوونراوی سەرلێشێواو .
بە كوشتنی بەغدادی لاپەڕەیەكی گرنگی بە ئازار و پڕ برینی مێژووی خۆرهەڵاتی ناوەڕاست لادەدرێت كە ئەم ڕێكخراوە تیرۆریستە دڕندە بێ بەزەییە موسڵمان و نا موسڵمان دەكوژێت و خوێن و ژن و داراییانی حەڵاڵ دەكرد وەك غەنیمەت و كەنیزەك دابەشیان بكەن لە نێوان خۆیاندا .
ترامپ سەرۆكی ئەمریكا دەڵێت لە كاتی گەمارۆدانیدا دەگریا و هاواری دەكرد ئەمە دەریدەخات ئەم پیاوە خوێنڕێژە خوێڕی بووە لە جل و بەرگی جەلاددا .
كۆتایهاتنی بەغدادی بەم شێوەیە مەسەلەیەكی چاوەڕوانكراو و بەڵگە نەویست بوو بەوەی كە وەك هەموو مرۆڤێك گۆڕێكی هەبێ چونكە تاونبارێكی هێندە خوێنڕێژ بوو هەر ئەوەی لێ چاوەڕواندەكرا . شوێنی خۆشاردنەوەكەی بەغدادی لە نزیك سنووری توركیا و ئەو پرسیارە دەهێنێتە ئاراوە كە ئاخۆ توركیا چ ڕۆڵێكی هەبووە لە پاراستن و دابینكردنی حەشارگەیەك بۆ ئەو تیرۆریستە چەپەڵە . چونكە ئەو ناوچەیە لەژێر دەسەڵاتی دەست و پێوەندەكانی توركیادایە .
ئەوەی گرنگە لێرەدا بگوترێت ئەوەیە كە جیهان لە داعشی دڕندە ڕزگاری بوو كە ڕێكخراوێك بوو وەك ئەوەی زەرقاوی لەژێر كاریگەری ئیخوان موسلیمیندا دروست بووە و لەو ڕوانگەیەوە كار دەكات كە كۆمەڵگا یان ئیماندارە یان جاهیلییە . ئەم هزرە ترسناكەی ئیخوان كە وەكو هەشتپێ سەرَكی لە پاكستانە و سەرێكی لە جەزائیرە زەبرێكی گورچك بڕی بەركەوتووە بەڵام هێشتا هەندێك لە مەرجەكانی مانەوەی لەدەست دەرنەچووە كە بریتین لە دەستی دەرەكی و كەسانی ساویلكە و نادادپەروەری كۆمەڵایەتی . 
وتار 

created by Avesta Group and powered by Microsoft Azure