چەند تێبینییەک بۆ پلاندانان و چەند پرسیارێک لەژووری بازرگانی

بۆچوون / بیروڕا :: 05/05/2019

نوسینی: نامۆ كوردە


هەر کەسێک تەنیا چەند رۆژێک لەم هەرێمی کوردستانە بژی و تەماشای وەزع و ئەحواڵی بازاڕ و گوزەران بکات، هەموو شتێک دەبینێ جگە لە پلان، لوتی بە لوتی هەموو بابەتێکدا ئەتەقێ بێجگە لە مەنتیق، هەموو شتێکیشی لەلا تەمومژاوییە بەتایبەت ئایندەی وڵات... مەسەلەن کەس وەڵامی ئەم پرسیارانەی لەلا نییە:

 
1. سەرمایەدارەکانی ئێستای وڵات لەسەدا چەندیان بەپڕۆسەیەکی سروشتی و یاسایی ئەو سامانەیان دەست کەوتووە؟
2. یاسای (عەرز و تەڵەب) کێ لەم وڵاتەدا کردوویەتی بە پەنگ؟
3. کوردستان پێویستی بەو هەموو بینا و باڵەخانە چۆڵانە هەیە یان بە سێ چوار مەعمەلی رێک و پێک؟
4. تو زاتی خوا سەرقفڵانە یەعنی چی و رەگ و ریشەی لە حەوشەی ماڵی قانوندا کامەیە؟
5. عەقڵی کاکی دەوڵەمەندی ئەمڕۆ چ فەرقێکی هەیە لەگەڵ ئەقڵی باپیریدا کە هەر خەریکی دروستکردنی قەیسەری و کڕینی خانوو بووە؟
6.   ئیشی ژووری بازرگانی تەنیا هەر سەفەر و سیاحەت و ئیفادە یان جار بەجارێکیش لایەک لەم نەهامەتی و بێ ساحێبیەی وڵات دەکەنەوە؟
7. هەر کەسێ دوو سێ دەفتەر دۆلاری هەبوو ئیتر هەقی خۆیەتی بە ئارەزووی خۆی بچێت لە چین و ماچین خرتکە و پرتکەمان بۆ هاوردە بکات و پێی ببێت بە لۆرد؟
8. ئەگەر خوای کرد و ئیشەڵا ناوچەکە ئاگری تێبەربوو، ئێمە بەرگەی چەند خولەک ئەگرین؟

created by Avesta Group and powered by Microsoft Azure