لە بری میقداد بەدرخان چەند پرسیارێك

بۆچوون / بیروڕا :: پێش 4 هەفتە

دواڕۆژ
وابزانە جەنابت ئێستا میقداد بەدرخانیت و لە كونێكەوە تەماشای ئەم كوردستانی جنوبییەی خۆمان دەكەیت. ئایا سەرت لە كاری خوا سووڕنامێنێت كە پیشەی رۆژنامەگەرێتیمان بەم دەردە بردووە؟.. تۆ بڵێ‌ سووڕنامێنێ‌ .. ناهەقیشت نی یە چونكە لێرە هەموو شتێ‌ لە گرێژەنە دەرچووە و بابەت و بوار نی یە نەمانكردبێ‌ بە سینەما.. ئەوە حاڵی سیاسەتە نیشتیمانییەكەمانە و ئەو تاقمە سواڵكەرەش كە دەیانبینیت بەرهەمی ئابوری یە ئازادەكەیە. ئیتر چ قەیدی هەیە با رۆژنامەنووسییشی بچێتە سەر؟!.
بەڵام رێگە بدە با من سەرم سووڕبمێنێ‌. ئاخر چ رەوای هەقە ئەم پیشە هەستیار و گرنگە ببێتە پیشەی بێ‌ پیشەكان؟!.. مەعقولە بەقەدەر هەموو چینی میلـلی رۆژنامەنووسمان هەبێ‌؟ ئیعلام ئەو هەموو بارەی پێ‌ هەڵئەگیرێ‌ كە لێ‌ ی نراوە؟ پیشەكە ئەوەندە خێری تیایە وا ئەو هەموو پەیج و ماڵپەڕە ئەكرێنەوە یان ئەمیش وەكو كافتیریا و فەلافلخانەكان هەر چاولێكەری یە و هیچی تر؟.
وڵاتێك دەسەڵاتەكانی یەكەم و دووەم و سێ‌ یەمی ئیفلیج بن ئیتر پیاو چ دڵێكی بە دەسەڵاتە چوارەمینەكەی خۆش بێ‌؟.
وەئەخیرەن ئایا كەس هیچ بەكڵاوی ئیعلام ئەپێوێ‌؟!! 

created by Avesta Group and powered by Microsoft Azure