سوودەكانی دوژمن

بۆچوون / بیروڕا :: 09/03/2019

دواڕۆژ

 

كاتێك یابان چین-ی داگیركرد، پارتی كۆمۆنیستی چین رۆڵێكی نیشتمانیی گەورەی بینی لە تێكشكاندن و كۆتاییهێنان بەو داگیركارییە. چەندین ساڵ دواتر و لە دیدارێكدا كاربەدەستێكی گەورەی یابان داوای لێبووردنی كرد لە (ماو) سەبارەت بەو داگیركردنە و زیانە زۆر و زەوەندەكانی. (ماو) هاتەقسە و وتی: بەپێچەوانەوە.. پێویستە ئێمە سوپاستان بكەین، چونكە ئەگەر دوژمنێكی جددی و بەهێزی وەكو ئێوەمان نەبوایە، چین بەم ئاستەی ئێستای بەهێز و پێشكەوتوو نەدەبوو.
كۆماری ئیسلامیی ئێرانیش پێ‌ دەچێت لە هەمان گۆشەنیگاوە بڕوانێتە دوژمن، ئەو گۆشەنیگایەی كە مێژوونووسە گەورەكان و سیاسەتمەدار و حوكمدارە ناودارەكانی جیهانب ڕوایان پێی بووە و پێیەتی: دوژمن پێویستە بۆ تیژكردنەوەی تواناكانت و تەقاندنەوەی وزە متكراوەكان.


ئەمە راستییەكی سەلمێنراوە تا ئەو رادەیەی كە بڵێت: ئەگەر دوژمنت نەبوو، پێویستە دوژمنێك بۆ خۆت دروست بكەیت. دوژمن وریات دەكاتەوە، خاڵە لاوازەكانت نیشان دەدات، هاوڕێ‌ راستەقینەكانت لە بێژنگ دەدات و وات لێ‌ دەكات هەمیشە ئامادەبیت بۆ هەر هێرش و پەلامارێكی چاوەڕواننەكراو. 
بەڵام ئایا كورد چۆن رەفتارێكی نواندووە بەرامبەر دوژمنەكانی؟ هیچ بەهرەیەكی لەو حیكمەتە وەرگرتووە یان روونتر بڵێین هیچ سوودێكی لە سوودەكانی دوژمن بینیووە؟


وەڵامەكە پێش ئەوەی لای ئێمە بێت لە هەڵوێستی نیشتمانی و نەتەوایەتیی ئێستا و رابوردووماندایە بەرامبەر دوژمنەكانمان، كە ئەگەر لەسەر هیچ شتێك هاوڕا نەبن، لەسەر ئەوە كۆك و تەبان كە نابێت كورد ببێت بە هیچ. 

created by Avesta Group and powered by Microsoft Azure