هونەر لە ماڵ و خوێندنگاكاندا

بۆچوون / بیروڕا :: 03/03/2019

سەرچاوە: ئەلیەوم ئەلسابع

هونەر بە گشتی و هونەری شێوەكاری بە تایبەتی چ كاریگەرییەكی لەسەر مرۆڤ هەیە؟ بێگومان ناتوانین یەك تاقەیەك وەڵام بۆ ئەم پرسیارە دیاریبكەین، بەڵام ئاسانترین وەڵام ئەوەیە كە هونەر هەموو شێوە و رێبازە بێسنوورەكانیەوە دەتوانێت ئەو توڕەییە خامۆش بكات كە لە رۆحماندا بڵاو بووەتەوە و توانامان پێ دەبەخشێت بەرگەی قۆرتە جۆراو جۆرەكانی ژیان بگرین.

یەكێك لەو هەڵە باوانەی كە لە كەلتووری رۆژانەماندا دەیبیستین ئەوەیە كە تەنیا دەوڵەمەندەكان دەتوانن تابلۆی هونەری جوان بكڕن و لە كۆشك و ماڵە كەشخەكانیاندا هەڵیان بواسن،  بەڵام خانوونی چینی ناوەند هیچ نیشانەیەكی جوان و رازاوەكردنی ماڵی تێدا نییە، بەم شێوەیە كە ئەمەش بە پێچەوانەی ساڵانی زووەوەیە، چونكە لە جاران وێنە و تابلۆ، تەنانەت ئەگەر شاكاریش بوونایە بە شێكی بنەڕەتی بوون لەدیكۆری ناوماڵ.

زۆر جار ئەو قسەیەكان بەرگوێ دەكەوێت كە دەڵێت، هونەر بۆ هەمووانە و تەنانەت چەند هەڵمەت و چالاكیش لەم چوارچێوەیەدا ئەنجام دەدرێت،  بەڵام پێناچێت تا ئێستا ئەنجامەكانیان پێكابێت. پێویستە ئەو جۆرە چالاكییانە چەند بارە بكرێنەوە و پێشانگاكان بەردەوامییان هەبێت و تیشك بخرێتە سەر هونەری شێوەكاری لە كۆمەڵگادا ئەم دەستپێشخەریان كارێكی چاكن و رۆڵێكی ئەرێنی دەبینن لەسەر باری دەروونی خێزان.

ئەو كەسەی كە هەر لە منداڵییەوە تابلۆی هونەری لە چواردەوری خۆی دەبینێت هاوڵاتییەكی لێ دەردەچێت بیركردنەوەیەكی ئاسایی و تەندروستی هەبێت.

توندوتیژی و دەمارگیری لە مێشكیدا دروست نابێت، چونكە هەر لە منداڵییەوە ئاشنا بووە بە رەهەندەكانی جوانی و هەمیشە رادەمێنێت لە رەنگ و دیزاین و شێوەكارییەكان و هەوڵدەدات لە كاری هونەرمەندەكە تێبگات و رەنگە لاسایشی بكاتەوە یان هەوڵبدات هونەرەكانی تر بناسێت كە ئوانیش ئیسراحەت دەبەخشن بە دەروونی.

ئەو ماڵەی كە تابلۆی هونەری تێدابێت ماڵێكی جوانە مەرج نییە تابلۆكان ئەسڵی بن و هەوەها مەرجیش نییە بەرهەمی هونەرمەندە ناودارەكان بن، بەڵام پێویستە بەرهەمی ئەو هونەرمەندانە بن كە دڵسۆز و ئاشقی پیشەكەیانن و چێژ و خۆشی و هیوا دەبەخشن بە رۆحمان، لێرەوە داوادەكەم كەرتەكانی بواری هونەری شێوەكاری و سەنتەرە رۆشنبیرییەكان و وەزارەتە پەیوەندیدارەكان بایەخێكی تایبەت بدەن بەم مەسەلەیە و تابلۆی  خۆماڵی و جیهانی دابین بكەن بۆ قوتابیان و خوێنكاران لە هەموو ناوچەكاندا.

created by Avesta Group and powered by Microsoft Azure