چەند وانەیەك لە ڤەنزوێلاوە

بۆچوون / بیروڕا :: 06/02/2019

سەرچاوە: ئەلیەوم ئەلسابع
وەرگێڕان: د. شێركۆ عەبدوڵـڵا

كارێكی ژیرانەیە رووداوەكانی ڤەنزوێلا بە جددی وەربگرین، چونكە قەیرانەكانی ئەوێ‌ چەند پەندێكی پێ‌ بەخشین كە مێژوو پێشتر پێی نەبەخشیبووین، بەڵام یادگە لاوازەكەی مرۆڤ باوەڕ بە ئەزموونی پێشینان ناكات.
وانەكانی ئەمجارە گەورەترن و رەنگە كێشەكە پەلوپۆ بهاوێت و ببێتە جەنگێكی جیهانیی تر، جەنگێك كە بەریەككەوتنی بەرژەوەندییەكان سەركردایەتی دەكات و باجەكەی میلـلەتان دەیدەن. بە بۆچوونی من ئەم خاڵانەی خوارەوە شایستەی تێڕامانن:
* سۆشیالیزم مەسەلەیەكی شكستخواردووە تەنانەت ئەگەر دوژمنەكانیشی (ئیمپریالیستە بۆگەنەكان) بن.
* میلـلەت بە دروشم ناژی، وتار و سەمای سەركردەكانیش ئابورییان پێ‌ دروست ناكرێ‌.
* كاتێك كە بارودۆخ تێكدەچێت، هەژارەكان كێشیان كەم دەكات و نیشتمانیش ژمارەی نیشتمانپەروەرانی.
* دیموكراسی شتێكی رێژەییە و دەتوانی وەكو نایلۆن قەدی بكەیت و لەسەر رەفەی بەرژەوەندییەكان دایبنێیت.
* كاتێك كە داهاتی نەوت نامێنێ‌ خەڵكەكە تێدەگەن سروودی نیشتمانی ناتوانێ‌ رووبەڕووی هەڵئاوسان ببێتەوە.

created by Avesta Group and powered by Microsoft Azure