dwarozh

کێشـه‌ ، ئـارایــشه‌ته‌کـانی " پـیپ گـواردیـۆلا " چییــه‌ ... !

بۆچوون / بیروڕا :: 04/10/2016


* له‌گه‌ڵ گه‌وره‌بوونی که‌سایه‌تیه‌کان ، یانه‌کان ، تیپه‌کان ئه‌وا ڕاسته‌وانه‌ خاڵه‌ به‌هێز و لاوازه‌کانی به‌دیار ده‌که‌وێت ، بێگوومان هیچ ڕاهێنه‌رێک ، یاریزانێک نییه‌ خاڵی لاواز و به‌هێزی نه‌بێت له‌هه‌ر ئاستێکدابن ، گه‌ر یاریزانێک یاخوود ڕاهێنه‌رێک توانایان جیاواز بێت باشتر و وردتر خوێندنه‌وه‌ی بۆ ده‌کرێت .


پێپ گواردیۆلا زۆر به‌ساده‌ی خاڵی به‌هێزی خاڵی لاوازێتی ، به‌هۆی هه‌بوونی ئه‌و بڕوا به‌خۆبوونه‌ ناکه‌وێته‌ ژێر کاریگه‌ری هیچ بارودۆخی ده‌ره‌کییه‌وه‌ ، ته‌نها کار به‌ستایلی و ئه‌و کلتوره‌ ده‌کات که‌پێی ناسراوه‌ هه‌ڵبه‌ته‌ " تاکتیکه‌کان "ی ، پیپ  هێنده‌ سانا نییه‌ تا بتوانیت لێێ ببیته‌وه‌ ، به‌دیوێکی دیکه‌دا پێویسته‌ خوێندنه‌وه‌ی پێش وه‌خته‌ی پلان بۆ داڕێژراوت هه‌بێت بۆی دواتر په‌نـا ببیته‌ به‌ر پلانی " بی _ سی " وه‌ک یه‌ده‌ک .
کێشه‌ی گواردیۆلا له‌ چییه‌ ؟ پێش هه‌ر یاریه‌ک گواردیۆلا هاوکێشه‌یه‌کی هه‌یه‌ بۆ یاریزانه‌کانی دووباره‌ ده‌کاته‌وه‌ ئه‌ویش بریتیه‌ له‌وه‌ی : له‌یاریزان خۆش ده‌بم گه‌ر گه‌وره‌ترین هه‌ڵه‌ بکات له‌نێو گۆڕه‌پان ئه‌گه‌ر کاریگه‌ریشی هه‌بێت بۆ سه‌ر ئانجامه‌کانمان ، بـه‌ڵام به‌هـیچ جۆرێک له‌یاریزان نابوورم ته‌واوی ووزه‌ی خۆی سه‌رف نه‌کات یاخوود له‌و ئه‌رک و ڕۆڵه‌ی پێی دراوه‌ لابـدات "
له‌ ژێــر ڕۆشنای هاوکێشه‌که‌ی پیپ خۆیه‌وه‌ شیکاریه‌ک ده‌که‌ین ، گه‌ر به‌زمانی داتا و ژماره‌کان ده‌ست پێ بکه‌ین ده‌گه‌ینه‌ ئه‌و ده‌رئه‌نجامه‌ی به‌به‌رده‌وامی یاریزانانی پێکهاته‌که‌ی پیپ هاوڕێ و ده‌ستله‌ملانی < پێکانن > چوونکه‌ یاریزانه‌کان له‌سه‌رجه‌م یاریه‌کاندا ته‌واوی تاقه‌ی خۆیان ده‌گوشن ئه‌مه‌ش گه‌وره‌ترین فشاریان له‌سه‌ر دروست ده‌کات دواتر ڕاهێنانه‌کانی پیپ هیچی که‌متر نییه‌ له‌ یاریه‌ فه‌رمیه‌کان چوونکه‌ ڕاهێنانه‌کانیش له‌ژێر گۆمه‌ڵگه‌لێک گۆد و ڕێسا و یاسادایه‌ ... ده‌رباره‌ی پێدان ڕۆڵ و جێ به‌جێکردنی ~ کارلۆس پیۆڵ ~ ده‌گێڕێته‌وه‌ ده‌ڵێت ; یه‌که‌مین مه‌شق و ڕاهێنان بوو به‌سه‌رپه‌رشتی پێپ ، منی بانگرد ووتی ڕۆڵی تۆ چاودێریکردنی * سامیۆل ئیتۆیه‌ * دواتر پیدرۆ تۆپێک ده‌هێنێت " پێکێ " ده‌بڕێت من خۆم ده‌گه‌یه‌نمه‌ تۆپه‌که‌ و سه‌رکه‌وانه‌ ده‌یپچڕێنم ، له‌کـاتی پشوودا پیپ نزیک بۆوه‌ ووتی : تۆ یاریزانێکی پیشه‌گه‌ری چۆن ! ئه‌وه‌ی ڕاهێنه‌ر داوات لێده‌کات جێ به‌جێی ناکه‌یت ، ڕاسته‌ تۆ تۆپه‌که‌ت پچڕاند به‌ڵام نـا هه‌وسه‌نگیت خسته‌ نێو پلانه‌کانی من . له‌ یـه‌کـه‌مین یـاری  بـڕافـۆ  وه‌ک گۆڵپارێزی نوێی " مانچسته‌ر سیتی " پێپ پێی ده‌ڵێت ; به‌هیچ جۆرێک تۆپی درێژ لێ نـاده‌یت بۆ پێشه‌وه‌ هه‌روه‌ها پێویسته‌ زۆرترین تۆپ بگه‌یه‌نیته‌ دڵی به‌رگریکاران . هێنانه‌وه‌ی ئه‌م دوو نموونه‌یه‌ بۆ ناسینی خوودی که‌سایه‌تی پیپ بوو که‌ به‌هیچ جۆرێک ناکه‌وێته‌ ژێر گاریگه‌ری هیچ بارودۆخێک .



کێشه‌ی { گواردیۆلا } له‌ ڕووی " هوونه‌ری " تاکتیکیه‌وه‌ ، ڕه‌گه‌زی سه‌ره‌کی پیپ له‌ تاکتیکدا ( زۆر تۆپ گلدانه‌وه‌ _ کۆنتڕۆڵکردنی ته‌وه‌ری ناوه‌ند _ دروستکردنی بناغه‌ی هێرش له‌ گۆڵپارێزه‌وه‌ _ یاریکردن به‌تۆپی نزم و کورت و خێرا _ کارکردن له‌سه‌ر چه‌مکی بۆشایی " ڕووبـه‌ر " _ زۆر گۆڕینی سیسته‌می یاریکردن به‌نموونه‌ " 4_ 3 _ 3 " بۆ "  4_ 2 _ 3_ 1 " ... هتد ، لێره‌دا گواردیۆلا ئامانجی وایه‌ ڕاهێنه‌ری دژ ده‌خاته‌ ژێر کاریگه‌ری خۆیه‌وه‌ بۆیه‌ زۆرجار ده‌بینین باجی قورس ده‌دات ، یان له‌کاتی یاریه‌که‌دا ئاشکرایه‌ پلانه‌کانی وه‌ک خۆی ناڕوات ئاماده‌ی ئه‌وه‌ی تێدانییه‌ بیگۆڕێت .
به‌رگری نه‌کردن ; زه‌قترین خاڵی گواردیۆلا له‌هه‌ر یانەیە‌کدا بوبێت ئه‌م گرفته‌ی هه‌بووه‌ ، زۆر به‌که‌می به‌رگری ده‌کات ئه‌مه‌ش نا ڕاسته‌وخۆ پێدانی زۆرترین ڕووبه‌ره‌ به‌ تیمی دژبه‌ر له‌کاتێکدا زۆر ڕاهێنه‌ر ده‌توانن له‌م ڕێگایه‌وه‌ له‌ گواردیۆلا بده‌ن و سه‌رکه‌وتووش ده‌بن .
خاڵێکی دیکه‌ جه‌نگی گواردیۆلا به‌گشتی به‌ " تاکتیکه‌ " نــه‌ک " کوالێتی یاریزان " زۆر یاریزان هه‌یه‌ زۆر به‌ئاسانی له‌ تاکتیک لاده‌ده‌ن ده‌توان تاکتیکه‌ت لێ بشوێنن له‌گه‌ڵ ئه‌مه‌شدا پیپ ئاماده‌ نییه‌ ئه‌م ڕۆڵه‌ بخاته‌ سه‌ر شانی هیچ یاریزانێک ، یاخوود پلانه‌کانی بچووک بکاته‌وه‌ له‌یاریزانێکی دژبه‌ردا.


_ هیوادارم دوور له‌به‌دحاڵی بوون ئه‌م بابه‌ته‌ بخوێنرێته‌وه‌ ئه‌و هاوڕێیانه‌ش سه‌رنج و تێبینیان هه‌بوو ده‌رباره‌ی من گوایه‌ به‌س به‌شان و باڵی گواردیۆلا هه‌ڵده‌ده‌م تێبگات پیپ خاڵی لاوازی هه‌یه‌ و زۆر به‌جوانی هه‌ستی پێده‌کرێت ، دواتر وه‌رزش به‌گشتی لایه‌نی هه‌ڵسه‌نگاندن دووره‌ له‌ ده‌مارگیر و هه‌ست و سۆز ، پێویسته‌ له‌سه‌ر ڕۆژنامه‌نووس وه‌ک پیشه‌ی ئه‌خلاقی خۆی سه‌رجه‌م بابه‌ته‌کان بورێژێنێت به‌هه‌ر دوو لایه‌نی نێگه‌تیف و پۆزه‌تیف له‌م ووتاره‌ چۆن سه‌رنجم هه‌بوو ده‌رباره‌ی خاڵی به‌هێزی پیپ ئاواش سه‌رنجه‌کانم خستۆته‌ ڕوو ده‌رباره‌ی خاڵه‌ لاوازه‌کانی بێ جیاکاری . له‌گه‌ڵ ئه‌وه‌شدا هه‌مووکات ووتومه‌ و ده‌یڵێمه‌وه‌ < پێپ گواردیۆلا ; مه‌ڕجـــه‌عی تــاکتیکه‌ > ........ !

created by Avesta Group and powered by Microsoft Azure