dwarozh

هەڵبژاردەی كاوێس ئاغا

بۆچوون / بیروڕا :: 25/05/2016

 



سەرەتا با هەندێك ووشە ودەستەواژە  بۆ میدیاكارانی وەرزشی چاك بكەینەوە،تا بتوانن لەئایندە تووشی هەڵە نەبن وبتوانن خۆیان راست بكەنەوە،هەڵە كردنیش شەرم نیە،بەڵام لە شەرم شەرمتر ئەوەیە بەردەوام بیت لەسەر هەڵە و خۆت بەراست بزانی و بابەت لە قەبارەی خۆی گەورە تر بكەیت،مانشیت و لیدی بە ئارەزووی خۆی لەرۆژنامە و دەزگاكانی راگەیاندن بڵاوبكاتەوە،بەبیانوی زۆر دڵسۆزیت و گرنگی بەبابەتەكە دەدەیت!.
ئەو هەڵبژاردەی ئەمڕۆ باسی دەكەن هەڵبژاردەی كوردستان نیە،بەڵكو هەڵبژاردەی باشووری كوردستانە،چونكە دیارە هەڵبژاردەی كوردستانی راستەقینە دەبێت یاریزانانی هەر چوارپارچەی كوردستان بن وهەروەها یاریزانانی كورد لە تاراوگە ئینجا دەبێت هەڵبژاردەی كوردستان.
راستە ئەمڕۆ باشووری كوردستان ئازادە،بەڵام مانای ئەوەنیە پارچەكانی تری كوردستان وەلابنێین و خۆمان بۆ خۆمان  بەناوی هەڵبژاردەی تۆپی پێی كوردستان خۆمان بكەینە سەر راست و پۆست دابەش بكەین، هەروەها باس لە شێخ ومشایخی راهێنەرانی كورد دەكرێت، من دەپرسم كێ وكەی و چۆن ولەكوێ ئەو مافە بە میدیاكاری وەرزشی دراوە ئەو نازناو پیاهەڵدان و بەندو بالۆران بسازێنێ،كەچی شێخی راهێنەران بە (مەمۆ) محەمەد خەلیل یان دەگووت،بێگومان ئەمە قسەی من نیە هی زۆرینەی وەرزشوانە دێرینەكانە،بەڵام كارەساتەكە لەوەیە نەدەزانن ونەدەیانەوێ فێربن،بڕۆن مێژوو بخوێنەوە كاكی رۆژنامەنووس.


بەشێك لەمیدیاكارانی وەرزشی بۆنتە پاڵپشت ودڵسۆزی هەندێك  راهێنەر كەچی بە كوتەكی ساوەریش لەپشتی هەندێك راهێنەر دەدەن،ئەمە چەندی بەچەندی ؟، بەرژەوەندییە یان دژایەتی یان شارچێتی یان كوردایەتی یان گیانی وەرزشی یان ئیتكی رۆژنامەگەری وەرزشی؟ یان كۆنە قینە؟هەندێك راهێنەریش بە فیتی بەشێك لەمیدیاكارانی وەرزشی هەڵدەخەڵەتێن و لێدوانی شارچێتی و بەرژەوەندی خۆیانی لێدەدەن كە بەداخەوە خزمەتی كەس ناكات وتەنها لێكترازان و دڵ شكان لەنێوانمان دروست دەكات.
من زۆر نزیك نیم لە ناوەرۆكی ئەم بابەتە،، بەڵام لە كەناری رووداوەكان زۆر بە ووردی  وهەستیاری سەیری رووداو پێشهاتەكانی هەڵبژاردەكە دەكەم،نازانم یەكێتی تۆپی پێ چۆن ئەو راهێنەرەی دەست نیشان كردووە،هەروەها چۆن راهێنەرەكانی تری پێشووی دەست نیشان كردووە،بەهەمان شێوە یاریزانەكان، هەرچەندە گلەیی زۆركرا بۆ دەست نیشانكردنی یاریزانەكان،بەڵام گرنگ نیە باش نەبوو بەشداری مۆندیالیان نەكرد بوو ،ئەو كات دڵنیام لەرۆژنامەكانی جیهانی بڵاودەكرایەوە یەكەم هەڵبژاردە لە مۆندیال كشایەوە بەهۆی  كێشەی دەست نیشانكردنی راهێنەر ویاریزان وستافەكەی!بێگومان ئەمەش دەبووە مێژوو!.
بۆ ئەمەش بەڵگەی نوێ وزیندوومان لەلایە كە لێدوانی راهێنەرەكان خۆیانە باشە بۆچی لەسەر بابەتێكی ئاوا دڵ و دەروونی یەكتر نارەحەت بكەین،لەبەرچی تەنها خۆمان پێ راست بێت،بۆچی گوێ ناگرین،بۆ فێرنابین و یەكترناخوێنینەوە،چۆن ناخوێنینەوە،كەچی ئێمە لە ئێستادا لە زۆرترین كات پێویستمان بەخوێندنەوە وزانیاری هەیە،باشە بۆ ناحەقی كاوێس ئاغا بگرین كە بەداخەوە دەڵێت كورد.....!! كەواتە هەڵبژاردەی تۆپی پێی كوردستانی باشوور بكەن بە لاوكی هەڵبژاردەی كاوێس ئاغا.

created by Avesta Group and powered by Microsoft Azure