بە ناوبانگترین ١٠ وتە لەسەر میسی

جیهان :: پێش 3 هەفتە ‌ :: 856‌ جار بینراوە
dwarozh


دواڕۆژ سپۆرت

میسی ئەستێرەی یانەی بەرشەلۆنە، چەند پیاهەڵدان لە جیهاندا لە مێژووی یاریکردنیدا بەسەر ئەو یاریزانەدا دراوەو بە ناوبانگترینیشیان ئەمانەن... 

-پیپ گواردیۆلا ( راهێنەری پێشووی بەرشەلۆنە و ئێستای مانچستەر سیتی ) : 
"رۆژێك دێت بە نەوەكانم دەڵێم ، راهێنانم بە لیۆنێل میسی كردووە " 
-واین رۆنی ( یاریزانی پێشووی هەڵبژاردەی ئینگلتەرا و مانچستەریونایتد ) " میسی یان كریستیانۆ رۆناڵدۆ ؟ میسی تەنها لە رۆناڵدۆ باشتر نیە ، بەڵكو لە هەموو كاتدا ئەو باشترە "


-ئارسن فینگەر ( راهێنەری پێشووی ئەرسیناڵ ) :"كاتێک میسی یاری دەكات وا هەست دەكەیت كە سەیری پلەی ستەیشن دەكەیت ، ئەو لە مەحاڵ شت درووست دەكات ، ئەوەی میسی لە سەر یاریگا ئەنجامی دەدات ، ئەوەیە كە پێیدەوترێت هونەری جوان "


- كوكی ( یاریزانی ئاتلیتكۆ مەدرید ) :" كریستیانۆ یاریزانی تۆپی پێیە ، بەڵام میسی لوتكەی بەرزی تۆپی پێیە ، میسی بێگومان باشترە " 

-فێرگسۆن ( راهێنەری پێشووی مانچستەر یونایتد ) :"  میسی لە هەمان ئاستی پێلی و مارادۆنایە ،لە لیستی باشترینەكانە لە میژووی تۆپی پێدا "


-رافائیل نادال ( ئەستێرەی تێنسی سەرزەوی ):"  میسی باشترین یاریزانە لە ژیانمدا بینیومە ، چێژ دەبینیت لەوەی لە یاریگادا پێشكەشی دەكات، گەر ركابەریشی بیت"


- زەڵاتان ئیبراهیمۆڤیچ (یاریزانی پێشووی هەڵبژاردەی سوید و یانەی بەرشەلۆنە ) :"هیچ یاریزانێك نیە  لە میسی باشتر بێت ، وابزانم دەبێت تۆپی ئاڵتوونی ناوی ئەو هەڵگرێت "


-جیرارد پیكی ( یاریزانی یانەی بەرشەلۆنە ) :" كریستیانۆ رۆناڵدۆ باشترین یاریزانی تۆپی پێیە لە سەر زەوی لە بەر هیچ شتێك نیە ، تەنها لە بەر ئەوەی میسی لە دەرەوی ئەم هەسارەیە " 

-ستیڤ ناش ( یاریزانی بە ناوبانگی تۆپی باسكەی ئەمریكی ) :" گرنگ نیە لام گەر كریستیانۆ راهێنانی سكی (شناوی)ی كرد بۆ 6 هەزار جار ،چونكە باش نابێت وەكو میسی " 


پابلۆ ئەیمار ( یاریزانی پێشووی هەڵبژاردەی ئەرجەنتین و یانەی ڤالنسیا ) :" بۆ چەندین ساڵ وامزانی كەمن یاریزانێكی تر نابینم هاوشێوەی دییگۆ مارادۆنا ، بەڵام لەگەڵ هاتنی میسی ،  ئەم بابەتە گۆڕدرا ، ئەو بەهەمان ئاستێتی "


created by Avesta Group and powered by Microsoft Azure