بەوێنە: بالەی پێشمەرگەی سلێمانی بۆ خولی بژاردەی عێراق ئامادەیە‌و بۆ دووەمجار چاویان لەنازناوەكەیە

ناوخۆیی :: 24/01/2020‌ :: 127‌ جار بینراوە
dwarozh


دواڕۆژ، ئەردەلان محەمەد

 

تیپەكە دەیەوێت بۆ دووەمجار نازناوی خولی بالەی یانەكانی عێڕاق بگەڕێنێتەوە شاری سلێمانی و  بۆ كێبڕكێكانی خولی بژاردەی بالەی عێراقیش دوو یاریزانی هێناوەتە پێكهاتەكەیەوە راهێنەرو یاریزانانیش رایدەگەیەنن كە تەنها بۆ نازناوەكە دەجەنگن.
تیپی بالەی یانەی پێشمەرگەی سلێمانی دوای بەڕێوەچوونی دوو قۆناغی پێشووی یانەكانی عێڕاق لەشاری سلێمانی‌و سەركەوتنی بەیەكەمی كۆمەڵەی دووەم بۆ خولی بژاردە، دوایین ئامادەكاریەكانی بۆ خولەكە ئەنجامداو راهێنەرو یاریزانانی تیپەكەش رایدەگەیەنن كە تەنها بۆ نازناوەكە دەجەنگن.

سەڵاح كانەبی راهێنەری تیپەكە ئەوەی بەدواڕۆژ راگەیاند:" دوای تەواوبوونی یاریەكانی قۆناغی كۆمەڵەكان تیپەكەمان لەمەشقەكانی بەردەوام بووە‌و وەك ستافی راهێنەرانی تیپەكەش هەستاین بەكاركردن لەسەر هەندێک‌ لایەنی تیپەكە بۆ بەهێزكردنی ئاستی یاریزانانی تیپەكە، بۆیە ئێستا دەتوانم بڵێم تیپەكەمان بەشێوەیەكی تەواو ئامادەیە ئەوەش دوای ئەو مەشقە زۆرەی لەبەیانیان‌و ئێواران ئەنجاممانداوە.
راشیگەیاند:" جگە لەیاریزانەكانی پێشوومان دوو یاریزانیترمان هێنایە پێكهاتەكەمانەوە كە هەریەك لەئاسۆ عادل‌و وریا ئەحمەد، لەبەرئەوە ئەو شەش یاریەی ئەنجامی دەدەین لەشاری هەولێر بۆ ئێمە‌و سەرجەم یانەكان لەوەدایە كە هەریانەیەك باڵا دەستی خۆی لەم خولەدا پیشان بدات دەتوانم بڵێم لەسەدا 60 نازناوی خولی عێڕاقی مسۆگەر كردووە.
بڕیارە لەیەكەم تاقیكردنەوەی خۆیدا یانەی پێشمەرگەی سلێمانی رووبەڕوی یانەی شورتەی پاڵەوانی وەرزی ڕابردووی خولەكە ببێتەوەو یارییەکان لە رۆژی شەممە ٢٥-١- ٢٠٢٠ ئەنجام دەدرێت.


created by Avesta Group and powered by Microsoft Azure