بەوێنە: لەشاری سلێمانی یەكەمین دیداری وەرزشی بۆ دوو پاڵەوانی یاری كاراتی بەڕێوەچوو

ناوخۆیی :: پێش 4 هەفتە ‌ :: 79‌ جار بینراوە
dwarozh


دواڕۆژ، ئەردەلان محەمەد

لە شاری سلێمانی و بەئامادەبوونی راوێژكاری سەرۆك كۆماری عێڕاق‌و بەڕێوبەری وەرزشی سلێمانی‌و بەرپرسانی وەرزشی شارەكە‌و بەرپرسانی یەكێتی كاراتی سلێمانی، بە مەبەستی برەودان بە یاری كاراتی دیدارێكی وەرزشی بۆ دوو پاڵەوانی یاریەکە بەڕێوەچوو.

 ناوەندی وەرزشی كوردستان هەستا بە سازدانی دیدارێكی وەرزشی بۆ هەردوو یاریزان ئیدریس عەبدوڵا و شڤان عوسمان پاڵەوانانی یاری كاراتی كوردستان‌و عێڕاق، كە تێیدا هەردوو یاریزانەكە بە باسكردنی ئەزموونی سەركەوتووی خۆیان بەرچاو روونیان خستە بەردەم نەوەی نوێ‌ بۆ ئەو یارییە تا بتوانن ئاستەنگەكان بە سەركەوتوویی ببڕن و دەستكەوت بۆ خۆیان و وەرزشی كوردستان بەدەستبهێنن.

لەو بارەیەوە ئیدریس عەبدوڵڵا یاریزانی یاری كاراتی یانەی پێشمەرگەی سلێمانی هەڵبژاردەی پێشووی عێڕاق و  ئێستای وڵاتی نەرویج رایگەیاند:" ئامانج بەم دیدارە بۆ زیاتر بەرەو پێشچوونی ئاستی وەرزشە لەهەرێمی كوردستان بەتایبەتی یاری كاراتی، هەروەها گواستنەوەی ئەو ئەزموونەی پاڵەوانانی پێشووی كوردستانە كە توانیویانە چەندین ئەنجامی گەورە لەسەر ئاستی وڵاتانی عەرەب‌و ئاسیا‌و جیهان بەدەست بێنن‌و بیگوازنەوە بۆ یاریزانانی ئێستا.

ئیدریس ئاماژەی بەوەشدا: بەداخەوە یاریزانی زۆرباشمان هەیە لەكوردستان، بەڵام بەهۆی پشتگوێخستنیانەوە لەلایەن بەرپرسانی یاریەكە لەعێڕاقدا، هەروەها پشتگوێ خستنیان‌و بەدەمەوە نەچوونیان لەلایەن بەرپرسانی كاراتی كوردستانەوە یاریزانانی كوردیان خستووەتە نیگەرانییەوە، بەڵام ئەگەر پلانێكی بەهێزو تۆكمە لەكوردستان‌و عێڕاق هەبێت بەدڵنیاییەوە یاریزانانی كورد ئاستێكی بەهێز پیشان دەدەن لەپاڵەوانێتیەكانی دەرەوەدا.
بەهۆی ئاست بەرزی‌و لێهاتووی یاریزانانی كوردەوە لەئێستادا لەزۆربەی ئاستەكانی هەڵبژاردەكانی عێڕاق یاریزانانی كورد پێكهاتەكانیان بەهێز كردووە.


created by Avesta Group and powered by Microsoft Azure