لیڤەرپوڵ رکابەری نییە

جیهان :: 22/01/2020‌ :: 277‌ جار بینراوە
dwarozh


دواڕۆژ سپۆرت

 لێكۆڵێنەوەیەكی نوێ  لە جیهانی تۆپی پێ خاوێنترین یانەی لە ئەوروپا ئاشكرا کرود ، لە رووی ئەنجامدانی هەڵەوەو تێیدا  یانەی لیڤەرپووڵی بە پاڵەوانی ( یاری خاوێن ) دانا .
 بە پێی رۆژنامەی ماركا بێت، روانگەی نێودەوڵەتی تۆپی پێ لێكۆڵینەوەیەكی بڵاوكردەوە دەربارەی ئەو هەڵانە  كە یانەكانی ئەوروپا لە میانەی یارییەكان ئەنجامی دەدەن ، بۆ دیاریكردنی توندترین یانەكان و  ئەو یانانەی كەمترین هەڵەیان ئەنجامداوە .
پاڵەوانی ئەوروپا بە پلەی یەكەم هات لە لیستی ئەو یانانەی كەمترین هەڵەی كردووە  و یاریزانەكانی تێكڕای 8,14 هەڵەیان لە یەك یاری ئەنجامداوە ، ئەمەش كەمتریت تێكڕایە لە ئەوروپا .

یانەی سلكیبۆرگی دانیماركی بە پلەی دووەمدا هات ، بەتێكرای 8.89 هەڵە لە یەک یاریدا، یانەی هامبۆرگ كە لە خولی پلە دووی ئەڵمانیا یاری دەكات لە ریزبەندی سێهەمدایە بە تێكڕای 8.94 هەڵە .
یانەی لیڤانتی ئیسپانی پلە ی یەكەمی وڵاتەكەی دەستەبەر كرد لە كەمی هەڵەكان و یانەی بەرشەلۆنە لەپاش ئەوەوە هات بە تێكڕای 10,95 هەڵە .
 ئەوەی  جێی سەرنج بوو ، یانەی ریاڵ مەدریدی ئیسپانیا  لە سەر ئاستی ئەوروپا لە ریزبەندی 169دابوو ، بە تێكڕای 12,63 هەڵە لە یەک یاریدا .

یانەی بایرن میونیخ پلەی یەكەمی ئەڵمانیای بەدەستهێنا لە كەمی هەڵەكان ، بەڵام لیستی باشترین 10 تیپ هیچ یانەیەكی ئێتاڵی تێدا نەبوو ، ئەمەش بەڵگەیە لە سەر توندوتیژی خولی كاڵچیۆ.

 لە بەرامبەردا یانەی فودیفو دینای سڕبی لە لە ریزی كۆتا بوو لە ئەوروپا بە تێكڕای 22,89 هەڵە ، ئەویش یەكێكە لە سێ یانەی سڕبی لە كۆی پێنج یانەی كۆتا ریزبەندییەكەن لە تەوای لیستەكە .


created by Avesta Group and powered by Microsoft Azure