بەوێنە: بۆ چوارەمجار خولێكی راهێنان بۆ راهێنەران لەسەر ئاستی ئاسیایی كرایەوە

ناوخۆیی :: 14/12/2019‌ :: 103‌ جار بینراوە
dwarozh


دواڕۆژ، ئەردەلان محەمەد


بۆ چوارەمجار لەشاری سلێمانی خولێكی راهێنان بۆ 24راهێنەری سنوری پارێزگای سلێمانی كرایەوە‌و بەرپرسانی یەكێتی تۆپی پێی سلێمانیش ئاماژە بەوە دەدەن كە ئامانجیان پێگەیاندنی راهێنەری گەنجە بەشێوازێكی زانستی.
یەكێتی تۆپی پێی سلێمانی لەژێر سەرپەرشتی یەكێتی تۆپی پێی ئاسیا‌و عێراق خولێكی راهێنانی بۆ 24راهێنەری سنوری پارێزگای سلێمانی بەشێوازی تیۆری‌و پراکتیکی كردەوە.
وانەكانی خولەكە لەلایەن وانەبێژی نێودەوڵەتی سەعد حافز‌و یاریدەدەرەكەی خەسرەو گورون بۆ ماوەی 15رۆژ دەوترێتەوە.

عەباس عەلی ئەندامی یەكێتی تۆپی پێی سلێمانی بەدواڕۆژی راگەیاند: ئامانجمان لەئەنجامدانی ئەم خولە بۆ زیاتر گرنگیدانە بەراهێنەرە گەنجەكانمان بۆ ئەوەی ببنە خاوەنی بڕوانامەی باوەڕ پێكراو داواش لەیانەكان دەكەم كە ئیتر پشت بەراهێنەری لاوەكان ببەستن.

وتیشی" دەمانەوێت لەمەودوا راهێنەرەكانمان بەشێوازێكی زانستی‌و ئەكادیمی مەشقەكانیان ئەنجام بدەن ئەوەش لەرێگەی ئەو راهێنەرە نێودەوڵەتیانەی لەسەر ئاستی ئاسیا‌و جیهان دەیانهێنین‌و خول بۆ راهێنەرانمان دەكەنەوە.
لەلای خۆیەوە بێریڤان جەلال تاكە راهێنەری ئافرەت لەخولەكە رایگەیاند: بەدڵنیاییەوە ئەمجۆرە خولانە بۆ راهێنەران زۆر گرنگە بەتایبەتی بۆ خانمان، چونكە خانمانیش هیچ جیاوازیەكیان نیە لەگەڵ پیاوان بۆ وتنەوەی كاری راهێنان، لەبەرئەوە پێویستە زۆرتر خانمان بێنە ناو كاری راهێنانەوە.
بۆ چوارەمجارە یەكێتی تۆپی پێی سلێمانی چوارەمجار خولی راهێنان بۆ راهێنەران دەكاتەوە لەسەر ئاستی ئاسیا بۆ بڕوانامەی جۆری  سی، هەروەها خولێكیشی بۆ بڕوانامەی جۆری ئەی كردووەتەوە.


created by Avesta Group and powered by Microsoft Azure