بەوێنە: لاوانی پێشمەرگەی سلێمانی لەیاریگای خۆی نەیتوانی بەربەستی زێرەڤانی پێشەنگی خولەكە ببڕێت

ناوخۆیی :: 13/12/2019‌ :: 89‌ جار بینراوە
dwarozh


 

دواڕۆژ، ئەردەلان محەمەد


كێبڕكێكانی خولی لاوانی یانە نایابەكانی كوردستان درێژەی هەیە‌و لاوانی یانەی پێشمەرگەی سلێمانی دوو خاڵی گرنگی بەرامبەر میوانەكەی زێرەڤانی لەدەستدا.
لەیەكێك لەیاریەكانی هەفتەی هەشتەمی خولەكەدا لاوانی پێشمەرگەی سلێمانی لەیاریگای چیا میوانداری زێرەڤانی پێشەنگی خولەكەی كردو لە ئەنجامدا بە بێ گۆڵ یەکسانبوون.
گێمی یەكەم هەردوو یانە تاڕادەیەك ئاستێكی مام ناوەندییان پیشاندا، هەرچەندە یانەی خاوەن یاریگا زیاتر لەناوچەی سزای میوان نزیك دەبویەوە، بەڵام هیچ سودێكی لەهێرشەكانی نەبینی.
گێمی دووەم سەرەڕای ئەوەی یاریزانانی زێرەڤانی بەهێرشی پێچەوانە یارییان دەكردو یانەی پێشمەرگە زۆرترین هەلی تۆمار كردنی گۆڵیان لەدەستدا، بەڵام بەهەمان شێوەی گێمی یەكەم تۆڕی گۆڵی هەردوو یانە بەخاوێنی مایەوە‌و بەبێ‌ گۆڵ‌و بەخاڵێك هەردوو یانە یاریگایان جێهێشت.

بەهەست هاوڕێ یاریزانی لاوانی پێشمەرگەی سلێمانی رایگەیاند" بەداخەوە نەمانتوانی بردنەوە بەدەست بێنین، هەرچەندە ئەو پلانەی راهێنەر پێیداین جێ بەجێمان كرد، بەڵام نەمانتوانی گۆڵی پێ تۆماربكەین، ئێمە لەهەوڵەكانمان بەردەوام دەبین بۆ ركابەری لەگەڵ یانەكانی پێشەوەی خولەكە.
لەلای خۆیەوە بڵند چولیا یاریزانی لاوانی زێرەڤانی رایگەیاند: سوپاس بۆ خوا توانیمان خاڵێكی گرنگ لەدەرەوەی یاریگای خۆمان بەدەست بێنین كە زۆر گرنگ بوو كە بەرامبەر یانەیەكی بەهێزی وەك پێشمەرگە وەرمان گرت، هیوادارم لەسەر ئەم ئاستە بەرزە بۆ یاریەكانی داهاتوو بەردەوام بین، لەبەرئەوەی ئەمساڵ ئامانجمان تەنها بەدەستهێنانی نازناوەكەیە.
ئەنجامی یاریەكانیتری ئەمڕۆی خولەكە:

شێروانە 2-0 هەندرێن
نەورۆز 1-0 ئاڵا
زاخۆ 3-0 كۆیە
هەولێر 3-4 سیروانی شارەزوور
پ. هەولێر 1-0 سیروانی نوێ‌
بەو بەرامبەر بوونە لاوانی پێشمەرگە بووە خاوەنی 17‌و لەپلەی سێیەمی ریزبەندییەو زێرەڤانیش بە19خاڵ بەتەنیا لەپێشەنگی خولەكەیە.


created by Avesta Group and powered by Microsoft Azure