پێرێز : بەرشەلۆنە متمانەی بە لاوانی لاماسیا هەیە

جیهان :: 11/12/2019‌ :: 251‌ جار بینراوە
dwarozh



دواڕۆژ سپۆرت


كارلس پێرێز هێرشبەری یانەی بەرشەلۆنەی ئیسپانی دڵخۆشی خۆێ دەربڕی پاش بردنەوە لە یانەی ئینتەر میلان  لە یارییەكانی گەڕی شەشەم و كۆتایی لە قۆناغی گرووپەكانی خولی یانە پاڵەوانەكانی ئەوروپا  ٢-١.
پیرێز یەكەمین گۆڵی خۆی لە خولی یانە پاڵەوانەكان لە یەكەمین دەركەوتنی لە پاڵەوانیتیەكە کرد .
 ئەو یاریزانە لە لیێدوانێكیدا کە رۆژنامەی ( مۆندۆ دیپۆرتیڤۆ)ی ئیسپانی بڵاویكردەوە وتی " ئەمە خەونێك بوو و بوو بەراست ، كە بتوانم  لە یەكەم دەركەوتن لە خولی یانە پاڵەوانەكانی ئەوروپا گۆڵ تۆمار بكەم ، هەوڵ دەدەم سوود لە هەموو دەرفەتەكان وەرگرم كە بۆم دەڕەخسێت "
 هەروەها وتی " بۆچوونە نێو كەشی یارییەكە هەندێک كاتی ویست ، بەڵام كاتێک گۆڵمان تۆمار كرد ، جڵەوی یارییەكەمان گرتە دەست "
وتیشی " بە توڕەییەوە دەرچووم ، چونكە دەبوو پاس بدەمە سوارێزلە هێرشەكە پێش دەرچوونم ، بەڵام هەمووان پیرۆزباییان لێكردم لە سەر كارەكەم لەو کاتەدا "
سەبارەت بەوەی یاریزانێكی تیپی یەكەمی بەرشەلۆنەیە بە فەرمی ، پێرێز وتی " هیچ ناگۆرێت سەبارەت بە من ، بەردەوام دەبم لە كار كردن و سوود وەرگرتن لەو دەرفەتانەی كە راهێنەر بۆمنی دەرەخسێنێت "
 لە كۆتایی لێدوانەكەیدا وتی " من  وئانسۆ فاتی ، هەردوو كمان نمونەی ئەكادیمیای لاماسییان ، بەرشەلۆنە متمانەی بەلاوانی خۆی هەیە ، ئەوەش بەڵگەیە لە سەر ئەوەی گەر باوەڕت هەبێت  وكار بكەیت ، ئەوە دەرفەتت بۆ دەرخسێت "


created by Avesta Group and powered by Microsoft Azure