​هەموو شتێک لەسەر رووبەرووبونەوە مێژوویەکەی جۆشواو ئەندی رۆیز

وەرزشەکانی دیکە :: 06/12/2019‌ :: 192‌ جار بینراوە
dwarozh


دواڕۆژ سپۆرت

هەردوو لایەنی رووبەڕووبوونەوەکەی ( دەرعەیە)ی میژوویی  بۆكسێن ، هەردوو پاڵەوانی جیهان ( ئاندی رۆیز ) ی مەکسیکی و ( ئەنتۆنی جۆشوا بریتانی ئەمڕپ شەممە لە کاتژمێر ١٢:٠٠ لە وڵاتی سعوودیە لە گۆڕەپانی دەرعەیە كە شوێنی 15 هەزار بینەر دەگرێت  رووبەڕوو دەبنەوەو  یارییەکەیان بەرێوەبچێت  و ئەمەش لە چوارچێوەی چالاكیەكانی وەرزی دەرعەییەیە.

لە لای خۆیەوە بەرێوەبەری كارگێڕی كۆمپانیای رێكخەر (ئیدیهێرن ) وتی "جوانی گۆڕەپانەكەو شوێنەكەی سەرنج ڕاكێشە ، هەروەها ئەو چالاكیانەی كەلەو شەوەدا پێش رووبەرووبوونەكە ئەنجام دەدرێن ، هاوشێوەی پێشووەكان نابێت كە راهاتووین  لە بۆكسێندا بیان بینین ، كارەكە لێرە زەبەلەحە و نموونەییە بۆ سەركەوتنی ئەم رووبەرووبوونەوەیە كە وابزانم دەبێتە قسەی جیهان .

هەروەها بەڕێوەبەرەکە دەڵێت" جەماوەری هەردوو پاڵەوان لە زیاتر  لە 60 ووڵات دەستیانكردووە بە دەرهێنانی ( فیزەی گەشتیاری ) كە رێیان پێدەدات بۆ هاتن و سەیر كردنی رووداوەكە لە تەنیشت ستەیجەكەوە ،پاش ئەو ئاسانكارییانەی بۆ گەشتیارییە بیانییەكان دابین كراوە كە ئاسانكاریان بۆ دەكات بۆ دەستكەوتنی فیزەی هاتنە ناوەوەی سعوودیە لە رێگەی هاشتاگی (بەشدار بە ) ، لە كاتێكیدا ژمارەیەكی گەورە لە پیاوانی ڕاگەیاندنی نێودەوڵەتی بیانی داواكارییان پێشكەش كردووە بۆ ئامادەبوون و رووماڵكردنی رووداوەكە،  ودەستەی گشتی وەرزش و بە هەماهەنگی كۆمپانیای سپۆنسەر دەستیان كردووە بە كاركردن لە سەر رێكخستنی هاتنە ژوورەوەی ڕاگەیاندنی بیانی  دابین كردنی شوێنی تایبەت بە خۆیان .

گۆڕەپانی دەرعیە كە رووبەرووبوونەوەكە لە خۆ دەگرێت ، بە تایبەتی بۆ ئەم بۆنەیە درووستكراوە  لە ماوەیەكی كوردتدا لە 7 ی ئوكتۆبەری رابردووەوە بە بەشداری  زیاتر لە 200 ئەندازیارو پسپۆڕ لە سەر ڕووبەرێك کە دەگاتە 10هەزار مەتری چوارگۆشە  وشوێنی 15 هەزار بینەر دەبێت ، لە كاتێكدا زیاتر لە 2000 فەرمانبەر سەرپەرشتی ئەو رووداوە گەورەیە دەكەن .
 هەروەها پلیتی تایبەت بۆ جەماوەری ئارەزووی ئامادەبوون دەكەن بۆ ئەم روو بەرووبوونەوەیە لە سەر پێگەی ئەلیكترۆنی تایبەت بە وەرزی دەرعەیە كە نزیك بووەتەوە لە سەركۆتاییهاتنی www.diriyahseason.sa دابین كراوە .


ئاندی رۆیز جۆنیۆری مەکسیکی و بەرەگەز ئەمریکی و  پاڵەوانی جیهان، متمانە بەخۆبوون و ئاستی لە یارییە چاوەڕوانكراوەکە دەربڕی و  وتی " هەست دەكەم كە من لە دۆخێكی باشدام بۆ ئەنجامدانی رووبەرووبوونەوەكە ، لە نیویۆرك میژووم دروستكرد  و لە سعوودیە سەر لە نوێ درووستی دەكەمەوە  لە بەرامبەر جەماوەری سعوودی كە بە جۆشم بۆ دیداریان  لە شوێنی دانیشتندا لە گۆڕەپانەكە"

هەروەها رۆیز وتی " من لەو پەڕی ئامادە باشیدام بۆ ئەنجامدانی ئەم بەرەنگارییە  لە بەرامبەر جۆشوا ، وا هەست دەكەم كە رووبەڕووی بەرەنگاری دەبەمەوە  لە بەردەم چاوی جیهان  و گەیشتوومەتە قۆناغێكی پێشكەوتوو لە ئامادەكاری دروونیدا كەوام لێدەكات  بتوانم بیبەمەوە لەم رووبەڕوو بوونەوەدا"

 

لەلای خۆیەوە لایەنی دووەمی رووبوونەوەكە بۆكسێنەر ‌ئەنتۆنی جۆشوا وتی " شەوێكی مێژووی دەبێت ، هەر كەسێك ئامادەبێت بۆ نەوە نەوەكانی باسی دەكات ، بە هەموو هێزێكەوە هەوڵ دەدەم بۆ بردنەوەی یارییەكە  لە بەرامبەر ركابەرێكی بەهێز و كەلە  ڕەق  "


هەروەها وتی " من دڵخۆشم بە ئەنجامدانی ئەم رووبەڕووبوونەوەیە بۆ یەكەمین جار لە سعوودیە ،  تیڕوانینێكی زۆر جوانم وەرگرتووە لە ماوەی ئەنجامدانی كۆنگرە رۆژنامەوانیەكە پێش چەند مانگێك لێرە  لە دەرعەیە ، هەمووانم بینی بە جۆشن بۆ ئەم رووبەرووبوونەوەیە و گەلی سعوودیی میواندارم  بینی بە جۆشە بۆ بینینی یاریەکە  بە تایبەتی هەڵسوڕاوانی ئەم روداوە گەورەیە  كە بینیانم كارەكەیان دیارە لە سەر گۆڕەپاندا و بەڵێنتان پێ دەدەم  كە دەبێت شەوێكی نموونەیی و میژوویی تەواو بکەم ".

 


created by Avesta Group and powered by Microsoft Azure