جۆشوا هەڕەشە دەکات و دەڵێت دووبارە نابێت بدۆڕێم

وەرزشەکانی دیکە :: پێش 3 هەفتە ‌ :: 269‌ جار بینراوە
dwarozh


دواڕۆژ سپۆرت

ئەنتۆنی جۆشوا بۆكسێنەری بریتانی رایدەگەیەنێت كە شكستی یەكەمی  لە كاروانیدا  لە یاری بۆكسێنی پیشەگەراندا  لە بەرامبەر ئاندی رۆیزی مەکسیکی، بە هۆی كەمی ئەزمونیەوە بووە، بەڵام بووەتە بۆكسێنەرێكی " زیاتر زیرەك " پێش دووبارە كردنەوەی رووبەرووبونەوەی نێوانیان لە مانگی داهاتوو لە سعودیەدا بەرامبەر بە ئاندی رۆیز.


ئەندی رویزی ئەمریكی و بە رەچەڵەک مەكسیكی، یەكێك لە سوپرایزە گەورەكانی بۆكسێنی دەستەبەر كرد ، كاتێک  توانی بە لێدانی كوشندە لە جۆشوای بریتانی و  پاڵەوانی جیهانی  لە كێشی قورسدا بباتەوەو  لە گەڕی حەوتەمی رووبەرووبوونەوەكەدا  كە لە مادیسۆن سكوێر گاردن لە شاری نیویۆرك  و لە حوزیرانی رابردوودا ئەنجامدرا  .

جۆشوا  بۆ دەستەی رادیۆی بریتانی (بی بی سی ) وتی "  بابەتەكە بە هۆی ماندووبونەوە نەبوو ، ئەوەی روویدا لە كەمپی بەرامبەردا پێویست بوو بە كەمی ئەزموون "

وتیشی " ئاندی رۆیز باشە ، بەڵام وابزانم نابێت دووجار شکستم پێبێنێت ، راهاتم لە سەر گوێگرتن بۆ هەندێک خەڵك دەڵێن دەبێت شكست نۆش كەیت و پرسیارم دەكرد بۆچی؟"

ئێستا دەتوانم لەوە تێبگەم و درك بەواتاكەی دەكەم ، ئێستا بە شێوەیەكی گەورەتر تێدەگەم  و كراوە بوومە بۆ هەر زانیاریەكی نوێ ، ئەمەش وای لێكردم بۆكسێنەرێكی زیاتر زیرەك بم "

رووبەرووبونەوە نوێیەكە  لە سعودیە  لە حەوتی كانونی یەكەمی داهاتوو ئەنجام دەدرێت ، پاش ئەوەی جۆشوای پاڵەوانی پێشووی ئۆڵۆمپی  بڕگەیەكی بەكار هێنا ، رێگەی بە دووبارە بوونەوەی رووبەرووبونەوەی نێوانیان دەدات  لە كێشی قورسدا ، لە سەر نازناوەكانی رابیتەی بۆكسێنی جیهان و یەكێتی نێودەوڵەتی بۆكسێن و رێكخرای بۆكسێنی نێودەوڵەتی .


created by Avesta Group and powered by Microsoft Azure