وێنە :زێرەڤانی ئێکەم سەرکەفتن دخۆلا کوردستانێدا تۆمارکر

ناوخۆیی :: پێش 3 هەفتە ‌ :: 93‌ جار بینراوە
dwarozh



دواڕۆژ ، محەمەد بامەرنی

تیما ته‌پاپێ یا یانا زێرەڤانی  مفا ژ ئه‌رد و جه‌ماوه‌رێ خوه‌ وه‌رگرت پشتی ب سه‌ركه‌فتی لسه‌ر مێڤانا خوه‌ یانا پێشمەرگا سلێمانی  ب ئەنجامێ ( 1- 0 )، دیاریا واندا ئه‌وا ئه‌ڤرۆ ژ چارچووڤێ هه‌ڤركیێن گه‌را 5  ژ خولا كوردستانێ ته‌پاپێ بۆ یانێن پلا نایاب هاتیە  ئه‌نجامدان.


دنیڤا ئێكێ‌ دا هه‌ردو تیم ب ئاسته‌كێ‌ ناڤنچی هاتنه‌ د ناڤ یاریگه‌هێ‌ دا لێ‌ پشتی بورینا ده‌هـ خوله‌كا یاریزانێن زێرەڤانی  گڤاشتن لسه‌ر گۆلا پێشمه‌رگه‌یێ‌ سلێمانی كرن وشیان د خوله‌كا 42ێ‌ دا  یاریزان نیاز مغدید گولا ئێكێ‌ تۆماربكه‌ت ، پشتی ڤێ‌ گولێ‌ یاریزانێن پێشمه‌رگه‌ بزاڤێن مه‌زن كرن ژبۆ تۆماركرنا گولا وه‌كهه‌ڤیێ‌ ، ده‌مێ‌ مایی ژ یاریێ‌ چو ژ ئه‌نجامی نه‌ هاته‌ گهورین و نیڤا ئێكێ‌ سەرکەفتنا زێرەڤانی دوماهێک هات ب ئەنجامێ (1 _ 0 ) .



دنیڤا دوێ‌ داو هه‌ر ژ ده‌ستپێكا وێ‌ یاریزانێن هه ردوو یانا   پلانا هێرشبرنێ‌ و گڤاشتنێ‌ ده‌ستپێكر و ئاستێ‌ یاریێ‌ بهێزتر لێهات و هه‌ردو تیما یاریا ڤه‌كری و هێرشێن هه‌ڤدژ لسه‌ر گولێن هه‌ڤدو كرن،چه‌ندین ده‌لیڤێن گۆلكرنێ‌ ژلایێ‌ هه‌ردو تیما هاتنه‌ ژ ده‌ستدان  تا فیركا دادڤانی ب سه‌ركه‌فتنا تیما زێرەڤانی  ب ئێک  گۆلا بێ بەرامبەر دوماهێک هات .
بڤی ئەنجامێ زێرەڤانی  خالێن خوە گەهاندە 5 خالان  رێزا نەهێ دیهت و تیما پێشمەرگا سلێمانیێ ب  ئێک خالا رێزا 13 دیهت.


created by Avesta Group and powered by Microsoft Azure