بەهۆی ئەم کارەوە بنزیمە لە ریزەکانی فرەنسا دوورخراوەتەوە

جیهان :: پێش 3 هەفتە ‌ :: 14921‌ جار بینراوە
dwarozh


دواڕۆژ سپۆرت

کەریم بنزیمەی فرەنسی و هێرشبەری بە توانای یانەی ریاڵ مەدرید ماوەی زیاتر لە ٤ ساڵە لە ریزەکانی هەڵبژاردەی فرەنسا دوورخراوەتەوەو هۆکاری دورخستنەوەشی بۆ ئەوە بووە هەڕەشەی لە یاریزانێکی هاوڕێی کردووە گرتەی ڤیدیۆیی سێکسی  لایەو بڵاویدەکاتەوەو یاریزانەکەی هاوڕێشی بە ناچاری پەنای بۆ دادگا بردووە.

 رۆژنامەی  ( لۆپاریسیان)ی فرنسی  تەواوی وردەکاری دۆسیەکە ئاشكرا دەکات و دەڵێت"كەریم بنزیمەی  یاریزانی پێشووی هەڵبژاردەی فەرەنسا و ئێستا یانەی ریاڵ مەدرید دانی بەوەدا نا كە درۆیكردووە لەگەڵ ماتیۆ ڤالبوینای هاورێی  کاتێک بەو یاریزانەی وتووە کە گرتەی ڤیدیۆیی سێکسی ئەو یاریزانەی لایەو هاوڕێیەکی بنزیمە داوای لەم یاریزانە کردووە هەڕەشە لە ڤاڵبۆینا بکات ئەگەر بڕە پارەیەکی پێ نەدات، ئەوا گرتەی ڤیدیۆی سێکسی لایەو بڵاوی دەکاتەوە .


 رۆژنامەی لۆپاریسیان دەڵێت  هێرشبەرەکەی یانەی ریاڵ مەدری بنزیمە  لە بەردەم دادوەری لێكۆڵێنەوەی ڤێرسای کە ( ناوچەیەكی پاریسە ) دانی بەوەدا نا كە درۆی لەگەڵ هاوڕێیەكەی ڤالبۆینا كردووە  لە كەیسی گرتە ڤیدیۆیەکەو لە راستیدا شتی وا نەبووە.


بە پێی زانیارییەکانی رۆژنامەكە بێت " بنزیمە لە میانەی دانیشتنێكی گوێگرتن  لە 28 كانووی دووەمی ساڵی ٢٠١٥دا لە بەردەم داداوەر، رایگەیاندووە كە دۆری لەگەڵ ڤالبۆینای هێرشبەری پێشووی یانەی لیۆن و هەڵبژاردنی فرەنسا كردووە ، كاتێک پێی وتووە كە گرتەی سێكسی تایبەت بە خۆی و كچە هاورێیەكەی بینیوون كە ئەو لە بنەڕەتدا نەیبینیوە ، لۆپاریسیان وتەی بنزیمەی بۆ دادوەری لیكۆلێنەوە گواستەوە كە وتبووی "پێویست بوو لە سەرم  هەر لە سەرەتاوە  راستگۆ بم لەگەڵیدا و پێت بڵێم كە گرتە ڤیدیۆیەکەم نەبینیوە ،فێڵم لێكرد وەك ئەوەی ئەكتەر بم "

بە پێی رۆژنامەكە بێت هەروەها بنزیمە وتویەتی  " كە هاوڕێیەكی بە ناوی كەریم زناتی چەندین قسەی لەگەڵ كردووە دەربارەی ئەو گرتە ڤیدیۆیەو  وداوای لێكردووە ڤالبوینا ئاگادار بكاتەوە لە بوونی  ئەو ڤیدیۆیە ، بەڵام ڕەتی كردەوە كە فشاری كردبێتە سەر هاوڕێیەكەی لە هەڵبژاردەی فرەنسا یاخود نێوەندگیری  لە نێوان سەرجەم لایەنەكانی كەیسەکە كردبێت لە پێناو دەستكەوتنی بڕە پارەیەک.

رۆژنامەكە دەڵێت " ئەستێرەکەی ریاڵ مەدرید لە بەردەم دادوەری لیكۆڵێنەوە دڵتەنگی خۆی دەربڕیوە بۆ  گەیشتنی كەیسەكە بەو دۆخە ، رۆژنامەكە  لە درێژەی باسكردنی كەیسەکە دەڵێت  " بنزیمە لە میانەی دانیشتنەكە وتویەتی كە زۆر توڕەیە لە پیشاندانی ئەو بابەتە  لە هەموو كەناڵەكانی تەلەفزیۆنیدا  و پەیوەستبوونی ناو و ناوی خێزانەكەی بە كەیسەكەوە.

 

 هەروەها دەڵێت"  كە نامەی هەڕەشەی بۆ هاتووە و مناڵانی براكانی لە قوتابخانە رووبەرووی جنێودان دەبنەوە ، بەدەر لە ئازارچەشتنی باوكی لە هەموو ئەوەی روویدا "   رۆژنامە بە قسەی بنزیمە كۆتایهێناو نوسیویەتی " چەند ئەستەم ببینیت دایك وباوكت دەگرین " بە كاریگەری كەیسەكە "

 

دادگای فرەنسا هەڵگرتنی چاودێری دادوەری لە سەر بنزیمە لابردووەو ئەمەش رێگەی پێدەدا کە بگەڕێتەوە  ریزی هەڵبژاردەی فرەنساو بەشداریكردن لە جامی نەتەوەكانی ئەوروپای 2016 كە فرەنسا میوانداری دەکرد، بەڵام ئەوکات دیشامپ بنزیمەی دوورخستەوەو فرەنسا دووەمی جامەکە بوو ، تا ئێستاش ئەو یاریزانە درێسی کەڵەشێرەکانی نەپۆشیوەتەوەو لە نوێترین لێدوانی سەرۆکی یەکێتی تۆپی پێی فرەنسا، رایگەیاندووە" هەڵبژاردەی فرەنسا بۆ بنزیمە کۆتایی هاتووە" .


created by Avesta Group and powered by Microsoft Azure