ناسنامەی یانە سەرکەوتووەکانی گروپی دووەمی خولی بالەی کوردستان ئاشکرابوو

ناوخۆیی :: پێش 3 هەفتە ‌ :: 117‌ جار بینراوە
dwarozh


دواڕۆژ، ئاری عەبدوڵڵا

رکابەرییەکانی خولی‌ باله‌ی‌ كراوه‌ی‌ كوردستان درێژەی هەیە و لە یارییەکانی گروپەکەی هه‌ولێر لە به‌رده‌وامی‌ یارییەکاندا لە رۆژانی رابردوو هەشت یاری ئەنجامدران و سێ یانەش سەرکەوتنیان بۆ قۆناغی داهاتوو مسۆگەرکردووە.

  درەنگانی شەوی رابردوو یانەی تەق تەق لە یارییەکی دڕاماتیکی و درێژخایەن توانی لە یانەی کۆیە بباتەوە بەمەش پلیتی گەیشتنی بە قۆناغی دووەم بڕی کاتێک یارییەکەی بە ئەنجامی (٣-٢) گێم بردەوە.


هەرچی یاریه‌كانی‌ ڕۆژی‌ هه‌ینی بوو،‌ به‌ بردنه‌وه‌ی‌ تیپی‌ باله‌ی‌ یانه‌كانی‌ ( ئاڕاڕات ، سۆلاڤ ، كۆیه‌ و ته‌ق ته‌ق ) به‌ كۆتاهات و هاوکات یاریه‌كانی‌ ڕۆژی‌ شه‌ممه‌ رێککەوتی ١٦ ـی مانگی ئه‌نجامه‌كانی‌ به‌م شێوه‌یه‌ بوون :

مه‌خمور × خه‌بات ٣- هیچ
ئارارات × ڕه‌واندز ٣ - هیچ

ته‌ق ته‌ق × كۆیه‌ ٣ -٢
چۆمان × جیهان هیچ - ٣

به‌و ئه‌نجامانه‌ش یاریه‌كانی‌ كۆمه‌ڵه‌ی‌ دووه‌م به‌ كۆتاهاتن و تیپی‌ باله‌ی‌ یانه‌كانی‌؛ (ته‌ق ته‌ق ، كۆیه‌ و جیهان) توانییان بگه‌نه‌ یاریه‌كانی‌ قۆناغی‌ دووه‌می‌ پاڵاوتنەکان و هەریەک لە یانەکانی؛ (سۆلاڤ و ئاڕاڕات) ـیش نزیک لە پەڕینەوە بۆ قۆناغی دووەم.
رکابەرییەکانی گروپی هەولێری خولی بالەی یانە پلە یەکەکانی کوردستان بە بەشداری (٩) یانە بەڕێوەدەچێت کە ماوەی ٣ رۆژە یارییەکانی بەردەوامە و لە کۆی ئەم ژمارەیەش، پێنج یانە دەگەنە قۆناغی دووەم و چوار یانەش دادەبەزن بۆ ریزی یانە پلە دووەکانی کوردستان. هەروەک لە گروپەکەی سلێمانیش (١٨) یانە بەشداربوون و هەشت یانەی پێشەوەی ریزبەندی لە خولی پلە یەکی کوردستان مانەوە و ١٠ یانەش بۆ ریزی یانە پلە دووەکان دابەزین.


created by Avesta Group and powered by Microsoft Azure