سەرۆکی یەکێتی تۆپی پێی فرەنسا قسەی کۆتایی لەسەر گەڕانەوەی بنزیمە کرد

جیهان :: پێش 3 هەفتە ‌ :: 3430‌ جار بینراوە
dwarozh



دواڕۆژ سپۆرت

 

لە لێدوانێکیدا لەسەر گەڕانەوەی کەریم بنزیمە بۆ ریزەکانی هەڵبژاردەی فرەنسا، سەرۆکی یەکێتی تۆپی پێی ئەو وڵاتە" نۆیل لۆ گریت، بە لێدوانێک ئەوئەستێرەیەی یانەی ریاڵ مەدرید جارێکی تر بێدەنگ  دەکات و رایدەگەیەنێت هەڵبژاردەی فرەنسا بە نسبەت ئەو یاریزانەوە کۆتایی هاتووە.

 

پێشتر بەهۆی کێشەی نێوانی بنزیمەو ڤاڵبۆینا ، ئەستێرەکەی یانەی ریاڵ مەدرید لە ریزەکانی فرەنسا دورخرایەوە و سەرەڕای لێخۆشبوونی ڤالبۆینا لەو یاریزانە ، بەڵام دیدیە دیشامپی راهێنەرو سەرۆکی یەکێتیەکە رێگەیان نەداوە جارێکی تر یاری بۆ کەڵەشێرەکان بکاتەوە.

 

" نۆیل لۆ گریت دەڵێت" کەریم بنزیمە یاریزانێکی زۆر باشە، من هەرگیز  گومانم دەرباری ئاستی ئەو یاریزانە نەبووە،ئەو لە یانەی ریاڵ مەدرید  باشترین ئاست لەگەڵ یاریزانانی ئێستا نیشان دەدات، بەڵام هەڵبژاردەی فرەنسا بە نسبەت ئەو یاریزانەوە کۆتایی هاتووە.

ئەم قسانەی سەرۆکی یەکێتی تۆپی پێی فرەنسا، لە کاتێکدایە زیدانی راهێنەری ریاڵ مەدرید لە چەند رۆژی رابردوو لە کۆنگرەی رۆژنامەوانی پێش یارییەکان رایگەیاندبوو، نازانێت بۆچی هەڵبژاردەی فرەنسا لە کەریم بنزیمە قەدەغە کراوە، کە زیدان مەبەستی ئەوە بووە بنزیمە باشترین هێرشبەری ئێستای فرەنسایە.


هەروەها دیشامپی راهێنەری فرەنسا  وەڵامی زیدانی راهێنەری یانەی ریاڵ مەدریدی دایەوەو رایگەیاندبوو" من هیچ کێشەیەکم  نیە، بەڵام زیدان راهێنەری یانەی ریاڵ مەدریدەو دەبێت بەوشێوەیە قسە بکات.


بنزیمەی تەمەن ٣١ ساڵ، بەهۆی کێشەیەکی ئەخلاقی لەگەڵ ڤالبۆینای  یاریزانی ئەو هەڵبژاردەیە، لە ساڵی ٢٠١٥وە لە ریزەکانی کەڵەشێرەکان دوورخراوەتەوە.


created by Avesta Group and powered by Microsoft Azure