بەوێنە: یانەی سیروانی نوێ‌ لەیاریگای خۆی دوو خاڵی گرنگ و یەكەمی ریزبەندی لەدەست دەدات

ناوخۆیی :: پێش 1 هەفتە ‌ :: 98‌ جار بینراوە
dwarozh




دواڕۆژ، ئەردەڵان محەمەد

لەیاریگاكانی كوردستان ركابەریەكانی هەفتەی سێیەمی خولی نایابی كوردستان كۆتایی هات‌و یانەی سیروانی نوێ‌ لەیاریگا‌و لەبەردەم هاندەرانیدا میوانداری دهۆكی كردو یاریەكەش بە2گۆڵ بۆ هەردوولا كۆتایی هات.

یانەی سیروانی نوێ‌ لەیاریگای خۆی جگە لەدەستدانی دوو خاڵی گرنگ ریزبەندی یەكەمی خولەكەشی بۆ یانەی سۆران لەدەستدا.

گێمی یەكەم یانەی سیروان بەهێرشكردن دەستی بەیاری كرد‌و لەخولەكی 11 میلاد عەبدولوەهاب گۆڵی یەكەمی سیروانی نوێی تۆمار كرد.

دوای ئەو گۆڵە یانەی میوان باشتر دەركەوتن‌و لەخولەكی 32مستەفا حەسەن گۆڵی بەرامبەری دهۆكی تۆمار كردەوە، هەر لەم گێمەدا نێچیرڤان شوكر نەیتوانی سود لەلێدانێكی سزا ببینێت‌و گۆڵپارێزی سیروان تۆپەكەی دوورخستەوە.
گێمی دووەم یانەی دهۆك باشتر بینران‌و سیروانیش كشانەوە نێو یاریگای خۆیان، بەڵام بەپێچەوانەوە جارێكیتر یانەی سیروان دەستپێشخەری كرد‌و لەخولەكی 62میلاد عەبدولوەهاب گۆڵی دووەمی خۆی‌و یانەی سیروانی نوێی تۆمار كرد.
دوای ئەو گۆڵە فشارەكانی یانەی دهۆك زیاتر بوو بۆ سەرگۆڵی خاوەن یاریگا سەركەوتووش بوون لەیەكسان كردنەوەی ئەنجامەكە پێش دوو خولەك لەكاتی زیاد كراو لەرێگەی چیا نازی.

لەكۆتاییشدا یاریەكە بەدوو گۆڵ بۆ هەردوولا كۆتایی هات‌و بەخاڵێكیش یاریگایان جێهێشت.

بەرهەم عەلی كاپتنی یاریزانی یانەی سیروانی نوێ‌ وتی:" هەوڵماندا لەسەر ئاست‌و ئەنجامەكانی دوو یاری رابردوومان بەردەوام بین، بەڵام بەداخەوە بەهۆی هیلاكی یاریزانان‌و لەدەستدانی هێرشەكان وایكرد كە تەنها خاڵێك بەدەست بێنین، هەرچەندە ئێمە لەیاریگای خۆمان یاریمان دەكرد پێویست بوو سێ خاڵەكە بەدەست بێنین.

لەلای خۆیەوە جاسم محەمەد یاریزانی یانەی دهۆك ئەوەی خستەڕوو:" سوپاس بۆ خوا بۆ ئەو ئەنجامە، هەرچەندە ئێمە بۆ سێ خاڵی یاریەكە هاتبوینە سلێمانی، هەروەها دەبوایە لەگێمی یەكەم سەركەوتوو بین، بەڵام هێرشبەرەكانمان سەركەوتوو نەبوون، بەڵام بەگشتی تیپەكەمان زۆرباشبوو بەدرێژایی 90خولەكیش ئێمە باشتر بووین.
لەیاریەكیتری ئەم هەفتەیەدا یانەی دەربەندیخان لەیاریگا‌و لەبەردەم هاندەرە زۆرەكەیدا میوانداری برایەتی شاری هەولێری كردو لە ئەنجامدا بێ گۆڵ تەواو بوو.
سەرەڕای لەدەستدانی چەندین هێرش لەلایەن یاریزانانی هەردوو یانەوە، بەڵام بەدرێژایی 90خولەكی یاریەكە تۆری گۆڵی هیچ یانەیەكیان نەهەژێنراو لەكۆتاییشدا یاریەكە بەبێ‌ گۆڵ كۆتای هات.


created by Avesta Group and powered by Microsoft Azure