بۆچی یاریزانانی تۆپی پێ ئاو تف دەکەنەوە لە بری خواردنەوەی ؟

جیهان :: پێش 4 هەفتە ‌ :: 4427‌ جار بینراوە
dwarozh


دواڕۆژ سپۆرت

رەنگە هەندێكتان تێبینی ئەوەتان كرد بێت لە میانەی سەیر كردنی یارییەكانی تۆپی پێ ، یاریزانان هەڵدەستن بە ئەنجامدانی كارێكی نامۆ ، كاتێك قومێك  لەو ئاوەی دەیخۆنەوە لە میانەی یارییەكە لە بری قووتدانی تفی دەکەنەوە. 

وە زۆرێك ئەو پرسیارە دەكەن هۆكاری پشتی ئەم كارەی یاریزانان چیە ، لە كاتێكدا نهێنی راستەقینە و سەرەكی ئەم كارە نازانن.

راپۆرتێكی رۆژنامەوانی نیویۆرك تایمز بڵاوەكردەوەو دووپاتی دەكاتەوە كە یاریزانان ئەم كارە ئەنجام دەدەن وەك جۆرێك لە غەرغەرە ئەنجامی دەدەن و  پێیدەوترێت غەرغەرەی كاربۆهیدرات.

ئەم شێوازە بریتیە لە غەرغەرە كردن بە جۆرێک لە تواوەی كاربۆهیدرات بۆ ماوەی 5 تا 10 چركە دواتر تفاندنەوەی لە دەرەوەی دەم ، سەرەڕای ئەوەی ئەم كارە قێزەون دەردەكەوێت ، بەڵام هەندێک لێكۆڵێنەوە  بە پێی راپۆرتی نیویۆرك تایمز " دەریانخستووە كە غەرغەرەكردن (شوشتن )كاربۆهیدرات لە ئاستی وەرزشكاران  لە چالاكیە بەهێزەكان كە  ماوەكەی كاتژمێرێك دەخایەنێت بە هێزتر دەكات .


ئەو شلەی  یاریزانان لە یارییەكانی تۆپی پێ دەیخۆن پێیدەوترێت (إلكترولايتس ) و ئەم شێوازە یارمەتییان دەدات لە سەر پاراستنی هاوسەنگی شلەكان لە میانی یارییەكاندا  و هۆكاری قووتنەدانی ئەو شلەیە  دەگەڕێتەوە بۆ ئەوەی چونکە ئازار دەگەیەنێتە یاریزانان لە ئەگەری قوتدانی و دابەزینی بۆ ناو گەدە ، بە هۆی نەبوونی خوێن لە گەدە كە دەنێردرێت بۆ ماسولكەكان لە كاتی جووڵەدا . 

وە پێی وتەی مایكل جوینەر پزیشكی سڕكردنی ئەمریكی ، تفاندنەوەی (إلكترولايتس ) یاریزانان  لەچەندین نیشانەكانی هەرەس دوور دەخاتەوە ، بۆ نموونە گەر تەركیز گیراوەكە بەهێز بوو ، ئەوە ماوەی مانەوەی لە گەدە درێژ تر دەكات و دواتر جەستە ناچار دەبێت چەند رێژێنەر وەدەر نێت بۆ كەم كردنەوەی تەركیزی گیراوەكە و ئاسانكردنی و  هەرەسكردنی . 


لە لێكۆڵێنەوەیەك ساڵی 2017 بڵاوكرایەوە لە (یۆربین جورناڵ ئۆف سپۆت ساینس ) دەركەوت غەرغەرەكردنی كاربۆهیدرات ئاستی نواندن باشتر بێت لە بوارە جیاوازەكانی وەرزشدا ، لێکۆڵێنەوەكە بەدواداچوون بۆ دۆخی 12 یاریزانی زانكۆ لە تەمەنی 20 ساڵیدا كردوەو دەركەوت ئەم تەكنیكە وای لێكردن بە شێوەیەكی بەرزتر خۆیان هەڵدەن و بۆ ماوە كەمەكان بە شێوەیەكی خێراتر رابكەن بە رادەیەك لە رێژەی بە ئاگابوون و تەركیزیانی زیاتر كرد . 


وە گەر بمانەوێت بیرەوەریمان چالاكتر بكەین، ئەوە بە گەڕانەوە بۆ دوایین جامی جیهان ، دەبینین ئەم دیمانانە لەگەڵ كریستیانۆ رۆناڵدۆ دووبارە بووەوە و لەگەڵ هاری كەینی ئینگلیزیش ( زیاتر لە جارێك دووبارە بووەوەو  پێش لێدانی یەكلاكەرەوەکان پاش ماوەی كاتی زیاد كراو لەگەڵ كۆلۆمبیا ).


created by Avesta Group and powered by Microsoft Azure