وڵاتێکی گەورە داوای لێسەندنەوەی میوانداریکردنی کۆتایی چامپیۆنس لیگ لە تورکیا دەکات

جیهان :: پێش 4 هەفتە ‌ :: 350‌ جار بینراوە
dwarozh


دواڕۆژ سپۆرت

فینچینزۆ سبادافۆرا  وەزیری وەرزشی ئیتاڵیا داوای لە یەکێتی تۆپی پێی ئەوروپا یۆفا  كرد چاو بە بڕیاری میوانداریكردنی یاری کۆتایی خولی یانە پاڵەوانەکانی ئەوروپای ئەم وەرزە کە لە شاری ئەستەنبوڵ  لە تورکیا ئەنجام دەدرێت بخشێنێتەوە، ئەمەش پاش هەڵمەتە سەربازییەکەی تورکیا بۆ سەر خۆرئاوایی کوردستان.

سبادافۆرا بانگەوازێكی ئاڕاستەی سەرۆكی (یۆفا ) ئەلكساندەر سیفیرین كردو رایگەیاند" داوای بیركردنەوەتان لێدەكەم ئایا گونجاوە مانەوە لە سەر یاری كۆتایی خولی یانە پاڵەوانەكانی ئەوروپا لە ئەستەنبوڵ پاش هەڵسوكەوتە ترسناكەكانی توركیا لە دژی گەلی سڤیلی كورد" ، بانگهێشتی یۆفای كرد بۆ وەرگرتنی ئازاترین بژاردەکان  وسەڵماندنی جارێكی تر بەوەی تۆپی پێی ئامرازێكە بۆ ئاشتی "

بڕیارە یاری کۆتایی ئەم وەرزەی خولی یانە پاڵەوانەکانی ئەوروپا لە ٣٠-٥- ٢٠٢٠ لە شاری ئەستەنبوڵی تورکیا ئەنجام بدرێت.

 


created by Avesta Group and powered by Microsoft Azure