کلاسیکۆ لە کامپ نۆوە دەگوازرێتەوە

جیهان :: پێش 4 هەفتە ‌ :: 1807‌ جار بینراوە
dwarozh


دواڕۆژ سپۆرت

 

رابیتەی یانەکانی لالیگای ئیسپانی پێشنیار دەکات یاری کلاسیکۆی نێوان بەرشەلۆنەو ریاڵ مەدرید کە وا بڕیارە لە ٢٦ی ئەم مانگە لە هەفتەی دەیەمی خولی ئیسپانیا لە کامپ نۆ ئەنجام بدرێت، بۆ یاریگای بێرنابیۆ بگوازرێتەوە.

 

بڕیارە لە رۆژی یاری کلاسیکۆ لە شاری بەرشەلۆنە  خۆپیشاندانێکی فراوان دژی دەستگیرکردنی بەرپرسانی کەتەلۆنیا  ئەنجام بدرێت و رابیتەی لالیگاش دەیەوێت یاریەکە لە یاریگای بەرشەلۆنە ئەنجام نەدرێت.

 

رۆژنامەی ئاس بڵاویکردووەتەوە، لالیگا پێشنیاری ئەوەی کردووە کلاسیکۆی چوون کە لە یاریگای کامپ نۆ بڕیارە ئەنجام بدرێت، لە یاریگای بێرنابیۆ ئەنجام بدرێت و کلاسیکۆی گەڕانەوەش کە بڕیارە لە یاریگای بێرنابیۆ ئەنجام بدرێت لە کامپ نۆ ئەنجام بدرێت، بەڵام تا ئێستا یانەکانی بەرشەلۆنەو ریاڵ مەدرید هیچ  هەڵوێستێکی فەرمیان نەبووە.

یاریەکە لە رۆژی ٢٦-١٠- ٢٠١٩ لە یاریگای کامپ نۆ لە کاتژمێر ٢:٠٠ی دوانیوەڕۆ ئەنجام دەدرێت.



created by Avesta Group and powered by Microsoft Azure