بەوێنە: لە هەولێر گەورەترین پاڵەوانیەتی کراوەی تێنسی سەرزەوی بەکۆتاهات

ناوخۆیی :: 09/10/2019‌ :: 94‌ جار بینراوە
dwarozh



دواڕۆژ، ئاری عەبدوڵڵا

درەنگانی شەوی رابردوو رێککەوتی ٨ ـی ئۆکتۆبەر، لە شاری هەولێر پێنجەمین پاڵەوانیەتی کراوەی تێنسی سەرزەوی ئەندازیار کەمال بە کۆتاهات کە بۆ (٩٩) تێنسکاری عێراق و هەرێمی کوردستان رێکخرابوو لەسەرجەم ئاست و تەمەنەکانی کوڕان و کچان.
یارییەکانی پاڵەوانیەتیەکە ماوەی (١٠) رۆژی خایاند کە رۆژانە لە یاریگەی تارتانی ئەکواپارک لە شاری هەولێر لە چەند کاتێکی جیاواز یارییەکان بەڕێوەدەچوو، سەرجەم تێچووی پاڵەوانیەتیەکەش لە ئەستۆی کەسایەتیەکی وەرزشی دیاری شاری هەولێر خەرجکرا کە ئەمە جاری پێنجەمە پاڵەوانیەتی هاوشێوە لەسەر ئەستۆ خۆی رێکدەخات.

پاڵه‌وانیه‌تیه‌كه‌ بۆ ماوه‌ی ١٠ رۆژ به‌ چاودێری لیژنه‌ی ئۆڵۆمپی هه‌رێمی كوردستان و بە سه‌رپه‌رشتی یه‌كێتی تێنسی سه‌رزه‌وی هه‌ولێر ئه‌نجامدرا و سه‌رجه‌م خه‌رجیه‌كانی پاڵه‌وانیه‌تیه‌كه‌ش له‌لایه‌ن ئه‌ندازیار (كه‌مال) دابین كرابوو.
له‌دوا ڕۆژی ڕكابه‌رییه‌كانی پاڵه‌وانیه‌تیه‌كه‌ كه‌ نزیكه‌ی 100 یاریزان له‌ پێنج ئاستی جیاواز به‌شداریان كردبوو، دوای ركابه‌ریه‌كی به‌هێز و پیشاندانی ئاستێكی به‌رزی یاری تێنسی سه‌رزه‌وی
ئه‌نجامی كۆتایی سه‌رجه‌م ئاسته‌كانی پاڵه‌وانیه‌تیه‌كه‌ به‌مشێوه‌یه‌بوو:
ئاستی 10 ساڵان:
(داهێن زه‌رده‌شت ـ هانا ئه‌ڤده‌ل) ـ (2 – 0) گێم بۆ داهێن.

ئاستی 14 ساڵان:
(محه‌ممه‌د نیهاد ـ ئاكام دلزار) ـ (2 – 0) گێم بۆ محه‌ممه‌د).

ئاستی پێشكه‌وتووان:
(داریان عه‌بدولقه‌هار ـ محه‌ممه‌د ئه‌بووزید) ـ (2 – 1) گێم بۆ داریان.

ئاستی به‌ته‌مه‌نه‌كان (دێرینه‌كان):
(ناسر عه‌بدولره‌زاق – وریا عه‌بدولقادر) ـ (2 ـ 1) گێم بۆ ناسڕ.

ئاستی جووتی دێرینه‌كان:
(وریا عه‌بدولقادر و به‌سام محه‌ممه‌د) ـ (شێروان ڕه‌ئووف و رێبین كه‌یفی) ـ (2 ـ 0) گێم بۆ وریا و به‌سام.


created by Avesta Group and powered by Microsoft Azure