مۆرینیۆ بە یەك وشە وەسفی رۆناڵدۆ دەكات

جیهان :: پێش 1 هەفتە ‌ :: 1395‌ جار بینراوە
dwarozh


دواڕۆژ سپۆرت

خۆسیە  مۆرینیۆی پوۆرتوگالی راهێنەری پێشووتری یانەی ریاڵ مەدرید باسی لە ئەزموونی خۆی لەگەڵ مێرەنگی و كریستیانۆ رۆناڵدۆی هاونیشتمانی دەکات.


مۆرینیۆ لە لێدوانێكیدا بۆ تەلەفزیونی پۆرتوگالی وتی " ریاڵ مەدرید باشترین ئەزموون بوو بۆ من بە هۆی ئەوەی فێری بووم وەكو راهێنەر ، وەكو پیاو ، وە بەهۆی ئەو وانانەی وەرمگرتن  لە كاروانی پێشەییم و لە ژیانمدا بە گشتی " 


و دووپاتی كردەوە " ئەوە باشترین یادگارییە لە ژیانی پیشەییم  ، زۆر نایاب بوو "
 روونیكردەوە " ئەوەی لە ریاڵ مەدرید داوایان لێكردم گونجاو بوو لەگەڵ سروشتم ، پێان وتم كە باشترین تیپمان هەیە لە جیهان ، وە لە سەر یاریگا پێچەوانەی ئەوەمان لە سەرە  و بەدەستهێنانی ئەنجامەكان  خواستەكانی تیپەكە بەدیدەهێنن "


سەبارەت بە نازناوی جامی شا لە 2011 دووپاتی كردەوە " پێویست بوو لە سەرمان رێگری لە بەرشەلۆنە بكەین لە تێکشکانمان ، ئەم هۆكارەیە كە كۆتایی میستایا گرنگترین بوو "


وتیشی " خول و جامی سوپەرمان بردەوە ، بەڵام هیچ شتێك هاوتای گرنگی جامی شای ئیسپانیا نەبوو لە بەرامبەر بەرشەلۆنە ، بۆبەدبەختی شكستمان هێنا لە تیپەڕاندنی بەربەستی نیوەی كۆتایی خولی یانەكانی ئەوروپا "


سەبارەت بە ئاستی كریستیانۆ رۆناڵدۆ ئەستیرەی ئێستای یۆڤانتۆس ئاماژەی بەوە كرد " ئەوەی دەیكات ، سەرسامم ناكات ، تەمەنی 34 ساڵ ، ئەو یاریزانێكی دیاردەیە ، ركابەری دەكات لە تیپێكی گەورە ، خواستی گەورەی هەیە .


هەروەها وتی " كریستیانۆ دیاردەیە ، ئەو كەسێكە بیر تەنها لە بردنەوە دەكات و ئەنجامدانی زیاتر "


ئەوەشی خستە روو " وابزانم كاتێک دەگاتە 50 ساڵ ، لە ماڵەوە دەبێت وفیفا بانگهێشتی دەكات بۆ یاری ئەفسانەكان ، یارییەكە ئەنجام دەدات و گۆڵ تۆمار دەكات "
سەبارەت بە  ئایندەی راهێنانی وتی " دەمەوێت راستگۆ بم لەگەڵ خۆم نەک بۆ ئەوانەی خۆشیان دەوێم ، بۆ ئەوانەی بەدواداچوونی بەردەوامم دەكەن ،

بەرپرسیارێتیەكی گەورەم  هەیە بەرامبەر خەڵكانێکی زۆر كە بە سەرچاوەی خۆیان دەزانن ، بەرپرسیارێتیم هەیە كە دواڕۆژ خۆسیە مۆرنیۆ بم "


هەروەها وتی " چەند ئۆفەرێکم بۆ گەڕانەوە رەتكردەوە ، چونكە دەبێت بگەرێمەوە بۆ ئەو شوێنەی كە لێوەی هاتووم ، بۆیە ژیانم هەمیشە راهێنان بووە لە بەرزترین ئاستدا ، بۆ بردنەوە " 


لە كۆتاییدا وتی " پێم باشە راهێنان بە تیپێكی خولی پلە دوو بكەم  لە پۆرتوگال بۆ ئەوەی ببێتە پاڵەوان و سەری بخەم ، لەوەی لەگەڵ تیپێكی پلە نایاب كار بكەم تەنها بۆ بەردەوامیم لە گۆرەپانەكە ".


created by Avesta Group and powered by Microsoft Azure