پاش بەدەستهێنانی پاڵەوانێتی ئەمریكای كراوە ئەندریسكۆ بەرناکەوێت

وەرزشەکانی دیکە :: پێش 1 هەفتە ‌ :: 219‌ جار بینراوە
dwarozh



دواڕۆژ سپۆرت


بیانكا ئەندریسكۆ كچە یاریزانی تێنسی سەرزەوی  كەنەدی پاش بردنەوەی لە سیرینا ویلیامزی ئەمریكی  وبردنەوەی نازناوی پاڵەوانێتی كراوەی ئەمریكا كە یەكەمین نازناویەتی لە چوار پاڵەوانیتیە گەورەكەی جیهان رایدەگەیەنێت " هێشتا تەواو نەبووە ، لە میانەی گەشتە میدیایەكەی " .


پاش بەدەستهێنانی نازناوەكە لە یەكەمین بەشداریكردنی ، ئەندریسكۆ خرایە بەر دانیشتنێكی وینەگرتن لە جامی پاڵەوانیتیەكە  لە سەنتەری رۆكفیلەر، و لە چەندین پڕۆگرام دەركەوت بۆ باسكردن لە سەركەوتنەكەی  و گرنگییەکی زۆری لە لایەن راگەیاندنەکانەوە پێدراوە.

 ئەندریسكۆی تەمەن 19 ساڵ بە بەرنامەی ( گود مۆرنینگ ئەمریكا )ی راگەیاند " مەزندەم نەدەكرد بابەتەكە بەم شێوەیەی گەرم وگوڕ بێت ، بەڵام سكاڵا ناكەم ، ئەمە دەستكەوتێكی گەورەیە  ودەبێت رابێم لە سەر ئەو هەستە ، هێشتا تەواو نەبووم "
ئەندریسكۆ پاش بردنەوەکەی و سیرنا ویلیامزی بێبەشكرد لە هاوتاكردنی رێكۆردی پێوانەیی بە 24 نازناو لە چوار پاڵەوانیتیە گەورەكەی جیهان .
ئەو كچە یاریزانە كەنەدییە سەركەوت بۆ ریزبەندی پێنجەمی  پۆلێنی جیهان ، كە ئەمە باشترین دەستكەوتیەتی  لە كاروانی خۆیدا پێش  ساڵێك لە دەرەوەی 200 پۆلێنكراوی جیهان بوو ، كە لە لایەن زۆرێك نەناسراوبوو لە وڵاتەكەیدا.

بەڵام پێویستە لە سەر ئەندریسكۆ كە رابێت لە سەر پێگەكەی وەكو کچە یاریزانێكی ناودار ،پاش ئەوەی ناونیشانی دەزگاكانی راگەیاندنی لە كەنەدا بەلای خۆیدا راكێشا .
ئەندریسكۆ  بۆ بەرنامەی ( لایڤ ویزكیلی ئاند رایان) وتی " بابەتەكە پاشەكشێی نەكردووە ، دەرفەتم بۆ نەڕەخسا  لەوەی روودەدات لە ژیانم لە ئێستادا ، ساڵێكی شێتانە بوو بۆ من و گرتنە دەستی ئەم جامە كارێكی زۆر خۆشە "

ئەندریسكۆ ئاماژەی بۆ ئەوە كرد كە ماوەیەكی درێژی بەسەر برد بۆ سەیركردنی كاروانەكەی بۆ نازناوی ئەمریكای كراوە.

هەروەها بۆ بەرنامەی (گود مۆرنینگ ئەمریكا ) وتی " لە تەمەنی 7 ساڵاندا یاری تێنس دەكەم  و لەو كاتەوە خەون بەم چركەساتە دەبینم ) .


created by Avesta Group and powered by Microsoft Azure