بەتەواوی ریاڵ مەدرید یاریزانێکی تری فرۆشت

جیهان :: 13/08/2019‌ :: 6253‌ جار بینراوە
dwarozh


دواڕۆژ سپۆرت

 
یانەی ریاڵ مەدرید بەتەواوی یاریزانێكی تری دەفرۆشێت و گۆڵپارێزی سێیەمی"لۆنین" بە یانەی ریاڵ ڤەلەد وەلید دەدات.

رۆژنامەی ئاس ئەمرۆ بڵاویکردەوە، یانەی ریاڵ مەدرید و ریاڵ ڤەلەد وەلید رێککەوتنیان تەواویان  بۆ گواستنەوەی لۆنین بۆ یانەکەی رۆناڵدۆی دیاردە کردووەو تەنها راگەیاندنی رەسمی ماوە.
گرێبەستەکە بۆ تەنها ساڵێک دەبێت وبە خواستنەو ئەو گۆڵپارێزە لە هاوینی داهاتوو دەگەڕێتەوە بۆ یانەی شاهانە.

چونی ئەم گۆڵپارێزە لە کاتێکدایە، یانەی ریاڵ مەدرید بڕیاریدا ناڤاس بهێڵێتەوەو ئێستا لەگەڵ کۆرتوا گۆڵپارێزی یەکەم و دووەمی یانەکە دەبن.

 

لۆنین لە ١٩-٦- ٢٠١٨ لەیانەی زوریا لۆهانسکەوە بە بڕی ٨.٥  یۆرۆ پەیوەندی بە یانەی ریاڵ مەدریدەوە کردو گرێبەستێکی بۆ ماوەی ٥ ساڵ واژۆ کردو وەرزی رابردووش ئەو گۆڵپارێزە یانەی ریاڵ مەدریدی بە خواستن بەرەو یانەی لیگانێس جێهێشت.

ریاڵ مەدرید ئەم وەرزە دەستبەرداری هەریەکە لە لۆرێنتی و کۆڤاسیچ و تیۆ هێڕناندیز و رائول دی تۆماس و بۆرخا مایۆڕاڵ و سیبایۆس بووە دەیەوێت سێ یاریزانی تریش بفرۆشێت.


created by Avesta Group and powered by Microsoft Azure