کۆبوونەوەکە دەستپێدەکات

جیهان :: پێش 1 هەفتە ‌ :: 3546‌ جار بینراوە
dwarozh


دواڕۆژ سپۆرت

 

رۆژنامەنوسی ئیسپانی و زۆر نزیک لە یانەی بەرشەلۆنە" جێرارد رۆمێریۆ لە رادیۆی کەتەلۆنیا (RAC1)، ئەنجامدانی کۆبوونەوە لە نێوان هەردو یانەی پاریس سانجێرمان و بەرشەلۆنە رادەگەیەنێت.

 

بە پێی زانیارییەکانی ئەم رۆژنامەنوسە، لە یانەی بەرشەلۆنە هەریەکە لە ئیریک ئەبیدالی بەڕێوەبەری وەرزشی یانەی بەرشەلۆنەو خافێیر بۆرداسی ئیداری لەم یانەیە، لەگەڵ لیوناردۆی بەڕێوەبەری یانەی پاریس سانجێرمان کۆدەبنەوەو باس لە گواستنەوەی نەیمار بۆ یانە کەتەلۆنیەکە دەکەن.

 

هەروەها رۆژی هەینی، چاوەڕوانی ئەوە دەکرێت، لە شاری لیڤەرپوڵی ئینگلیزی، خاوەنی یانەی پاریس سانجێرمان ناسر خەلێفی وبارتۆمیۆی سەرۆکی یانەی بەرشەلۆنە لە کۆبوونەوەی یانەکانی ئەوروپا چاویان بە یەکتر بکەوێت و قسە لەسەر گواستنەوەی نەیمار بکەن.

 

کۆبوونەوەی بەرشەلۆنەو پاریس سانجێرمان لە کاتێکدایە، ئەمرۆ رۆژنامەکانی ئیسپانیا باسیان لەوە کرد، کە یانەی ریاڵ مەدرید تا هەفتەی کۆتایی پێش داخستنی بازاڕی گواستنەوەی یاریزانان چاوەڕوان دەبێت.

 


created by Avesta Group and powered by Microsoft Azure