گیانی لە دەستدانی یەكەم و دووەمی پاڵەوانی جیهان لەیاری كیك بۆكسینگ

وەرزشەکانی دیکە :: 06/08/2019‌ :: 323‌ جار بینراوە
dwarozh


دواڕۆژ سپۆرت

یەكێتی كیك بۆكیسنگی رووسیا گیان لە دەستدانی پاڵەوانی جیهانی كیك بۆكسینگ  ( فاتمە جاگۆبۆفا ) و خاوەن پلەی دووەمی جیهان ( ئلینا گیسمییڤا)  لە شاری (سیڤاستۆبۆڵ)ی رووسیا  لە نیمچە دوورگەی قەرم ڕاگەیاند.

بە پێی زانیارییەكان هەرددوو كچە وەرزشكار پاش كۆتاییهاتنی كەمپی راهێنانیان بریاریاندا مەلە بكەن لە یانەیەكی (یەخت ) كە شوێنێكی ئامادە كراو نیە بۆ مەلەوانی ، هەروەها پێشتریش ئاگادار كراونەتەوە  لەو زریانەی كە ڕەنگە لە شارەكە بدات .

زانیارییەكان دووپاتی دەكەنەوە كە فاتیمە  لە كاتی خۆ هەڵدانی بۆ ئاوەكە سەری بەرشۆستەی ئاوەكە كەوتووە و گیسمییڤا بە پەلە چووە بە هانایەوە، بەڵام كەوتووتە ژێر شەپوولێكی بەرز و خنكاوە ، كارمەندانی فریاگوزاری بەرەو شوێنی رووداوەكە رۆیشتوون، بەڵام بەهۆی خراپی كەش و هەوا و شەپۆلە بەرزەكان ،فریا گوزاری لە یەكێتی رووسیا سەركەوتوو نەبوو لە گەیشتن بۆ شوێنی كارەساتەكە . 
دواتر كارمەندانی فریا گوزاری تەرمی یەكێك لە كچەكانیان دۆزییەوە كە سەر ئاو كەوتبوو ، بەڵام تەرمی ئەوەی تریان نەدۆزییەوە .


created by Avesta Group and powered by Microsoft Azure