کۆتینیۆ+دیمبلی+ ٤٠ ملیۆن = بە نەیمار

جیهان :: 16/07/2019‌ :: 3145‌ جار بینراوە
dwarozh


تاگ :: بەرشەلۆنە

دواڕۆژ سپۆرت

 

ناسر خەلێفی خاوەنی یانەی پاریس سانجێرمانی فرەنسی، داواکارییەکی گەورە لە پێناو دەستبەرداربوون لە نەیمار بۆ ئەو یانە کەتەلۆنیە دەکات و دوو لە ئەستێرەکان و بڕێک پارەی دەوێت.

 

بە پێی زانیارییەکانی رۆژنامەی ئاس، خەلێفی بە بەرپرسانی یانە کەتەلۆنیەکەی راگەیاندووە بۆ دەستبەرداربوون لە نەیمار، هەریەکە لە عوسمان دیمبلی فرەنسی و کۆتینیۆی بەرازیلی لەگەڵ بڕی ٤٠ ملیۆن یۆرۆمان دەوێت ئینجا ئەو یاریزانە دەفرۆشین.

 

رۆژنامەی ئاس ئەم داوایەی خەلێفی بە نامەعقوڵ ناوبردووەو رایگەیاندووە، نەیمار شایەنی ئەو نرخە زۆرە نیە کە بەرپرسە گەورەکانی ئەو یانەیە داوای دەکەن.

 

هەروەها دوینێش لە کاتی کۆبوونەوەی نەیمار و لیوناردۆی بەڕێوەبەری ئەو یانەیە، ئەو بەڕێوەبەرە بە نەیماری راگەیاندبوو، چوونی تۆ بۆ بەرشەلۆنە زۆر ئەستەمە، چونکە بەرپرسانی ئەو یانەیە توانای دابینکردنی ئەو بڕە پارەیەیان نیە، کە ئێمە لە پێناو دەستبەرداربوون لە تۆ دەمانەوێت.

 

ئەمە لە کاتێکدایە، نەیمار قسەی کۆتایی خۆی کردووەو هەموو هەوڵەکانی بۆ گەڕانەوە بۆ یانەی بەرشەلۆنە خستۆتە گەڕ و بە بەرپرسانی ئەو یانەیەی راگەیاندووە، لە وەرزی داهاتوو درێسی یانە فرەنسیەکە ناپۆشمەوە.

 

نەیمار لە گرێبەستێکی چاوەڕوان نەکراودا بە بڕی ٢٢٠ ملیۆن یۆرۆ لە گواستنەوەکانی هاوینەی ساڵی ٢٠١٧ یانەی بەرشەلۆنەی بەرەو پاریس سانجێرمان جێهێشت، ئەوکاتیش شۆکێکی گەورەبوو بۆ چاودێری تۆپی پێ و هاندەرانی ئەو یاریزانە.


created by Avesta Group and powered by Microsoft Azure