نرخی فرۆشتنی جەیمس بە ئاتلەتیکۆ مەدرید ئاشکرا بوو

جیهان :: 15/07/2019‌ :: 1979‌ جار بینراوە
dwarozh


دواڕۆژ سپۆرت

 

یانەی ئاتلەتیکۆ مەدریدی ئیسپانی زیاتر لە گواستنەوەی  جەیمس رۆدریگێزی کۆڵۆمبی نزیک دەبێتەوەو  ئامادەیی نیشانداوە بڕە پارەیەکی زۆر لە گواستنەوەی سەرف بکات.

 

پێگەی Abc |ی ئیسپانی بڵاویکردووەتەوە، یانەی ئاتلەتیکۆ مەدرید ئامادەیی نیشانداوە بڕی ٦٠ ملیۆن یۆرۆ بە یانەی ریاڵ مەدرید بدات لە پێناو گواستنەوەی ئەو یاریزانەو ئەویش حەز دەکات لە مەدرید بمێنیتەوەو یاری بۆ یانەی ئاتلەتیکۆ مەدرید بکات  و خۆرخێ میندێزی بریکاری ئەو یاریزانە  گرێبەستەکە یەکلایی دەکاتەوە.

 

جەیمس رۆدریگێز دوای ئەوەی یانەی بایرن میونخ دوو مانگ پیش ئێستا  بە بڕی ٤٢ ملیۆن یۆرۆ ئەو یاریزانەی بۆ ریزەکانی بە تەواوی نەکڕی،لەئێستادا زیدانیش نایەوێت و  ئەویش بڕیاری خۆیداوەو ریزەکانی یانەی ریاڵ مەدرید جێدەهێڵێت هەرچەندە دوو ساڵ لە گرێبەستی ماوە.

 

بێجگە لە ئاتلەتیکۆ مەدرید، یانەی ناپۆلی هەوڵی گواستنەوەی ئەم یاریزانە دەدات، بەڵام ئەم یانەیە  ئامادەیە بە خواستن  گرێبەستی لەگەڵدا بکات نەک بە یەکجاری.

 

جەیمس رۆدریگێز لە ١١-٧- ٢٠١٧ لە یانەی ریاڵ مەدریدەوە لەسەردەمی زیدان بە خواستن بە ساڵانەی پێنج ملیۆن یۆرۆ چووە یانەی بایرن میونخ لەگەڵ بژاردەی کڕین،بەڵام هۆکاری چوونی لە یانەی ریاڵ مەدرید زیدانی راهێنەری بوو، کە ئەم راهێنەرە فەرەنسیە وەکو یاریزانی یەدەگ مامەڵەی لەگەڵ دەکرد.



created by Avesta Group and powered by Microsoft Azure