یانەی ئافرەتانی هەولێر و نەوزاد شێرزاد دەگەنە رێککەوتن

ناوخۆیی :: 11/07/2019‌ :: 136‌ جار بینراوە
dwarozh




دواڕۆژ، ئاری عەبدوڵڵا

به ‌بڕیاری سه‌رۆكی یانه‌ی وەرزشی ئافرەتانی هەولێر، ئەستێرەی ناوداری تۆپی بالەی یانەی هەولێر و هەڵبژاردەی لاوانی عێڕاق (نه‌وزاد شێرزاد) وه‌ك راهێنه‌ری نوێی تیپی تۆپی باله‌ی یانه‌ی وه‌رزشی ئافره‌تانی هه‌ولێر ده‌ست به‌كارده‌بێت.
به‌ بڕیاری (رازاو كه‌ریم فه‌ره‌ج) سه‌رۆكی یانه‌ی وه‌رزشی ئافره‌تانی هه‌ولێر ، كاپتن (نه‌وزاد شێرزاد محه‌مه‌د) وه‌ك راهێنه‌ری نوێی تیپی تۆپی باله‌ی یانه‌ی وه‌رزشی ئافره‌تانی هه‌ولێر ده‌ست به‌كار ده‌بێت
تیپی تۆپی باله‌ی یانه‌ی وه‌رزشی ئافره‌تانی هه‌ولێر بە نیازە به‌ پێكهاته‌یه‌كی نوێ و راهێنه‌ری تازه‌وە، به‌شداری خولی تۆپی باله‌ی كچانی یانه‌كانی كوردستان بكات كه‌ بڕیار وایه‌ رۆژی ١٦ ـی تەمموز، یارییه‌كانی خوله‌كه‌ ده‌ست پێبكات به ‌به‌شداری سه‌رجه‌م یانه‌كانی كوردستان.
لە لێدوانێکی تایبەتدا بۆ دواڕۆژ (رازاو کەریم) سەرۆکی یانەی ئافرەتانی هەولێر ئاماژەی بەوەدا: "لەگەڵ دروستکردنی هۆڵە وەرزشییەکەیان لەلایەن بەرپرسانی ئیداری و حکومی، مەبەستیانە هەنگاوی گەورە بهاوێژن بۆ بووژاندنەوەی یارییە جۆراوجۆرەکان لە یانەکەیان".
سەرۆکی یانەکە وتیشی: "ئێمە پێشتر تیپەکانی تۆپی بالە، تۆپی دەست و فوتساڵمان هەبوو بەڵام دەمانەوێ بەرەوپێشی ببەین و بە رۆحیەتی رکابەرییەوە بچینە نێو پاڵەوانیەتیەکان هاوشێوەی ساڵانی پێشوو، زیندووکردنەوەی تیپی تۆپی بالەی یانەکەشمان هەر لەم چوارچێوەیەیە".
هاوکات یانەی وەرزشی ئافرەتانی هەولێر ئەکادیمیای تیپی تۆپی دەست دەکاتەوە و ناونوسین كراوه‌یه‌.
بەمەبەستی گرنگیدان بەیاری تۆپی دەست لەهەرێمی کوردستان لەسەر ئاستی کچان و كوڕان ، دروست بونی نەوەیەکی نوێ بۆ ئەم یارییە ، یانەی وەرزشی ئافرەتانی هەولێر کردنەوەی ئەکادیمیای تیپی تۆپی دەستی راگەیاند
ئەکادیمیاکە لەسەر ئاستی کچانە بۆ تەمەنەکانی ٨ ساڵ تاوەکو ٢٠ ساڵ
ئەکەدیمیاکە لەژێر سەرپەرشتی هەردوو راهێنەری بەتوانای شاری هەولێر (رێهەنگ سەلاحەدین) - مامۆستای پەیمانگەی وەرزشی هەولێر) دانەر سەباح بەرێوەدەچێت.


created by Avesta Group and powered by Microsoft Azure